مرحباً ،،،،
اللوبي كبير جدا ، وفيه بابين الوبي واحد سلم كهربائي و الثاني لافت ،،
الاستقبال ماهو حول الدخول الي الغرف ولكن ما ادري كيف راح تهرب البزران
عموما اللوبي فعلا كبير وراح تشوف

بيض الله وجهك
المقصود بتهريب للأطفال :
إن الغرفة محجوزة لشخصين و الاطفال ( 9-12-13 )
أصبح المجموع خمسة أشخاص .. فاحتمال كبير عند وصولي للفندق يشوفون عددنا ثم يلزموني بغرفة ثانية
لذا أفكر بالتالي :
1/ أسبق العايلة للاستقبال و اعمل تشك إن
2/ في لحظة عمل التشك إن , العايلة ينتظروني باللوبي .. ولا كنهم يعرفوني
3/ استلم الغرفة لحالي ، بعدها ادق على العايلة يجوني بالغرفة ينزلون أغراضهم
هل طريقتي صح ..
أم أن الاستقبال يكشف الداخل و الطالع بسهولة .. ويعرف إننا جايين مع بعض
والا فيه سيكيورتي ينشد عن الداخل و الطالع!!
هل طريقتي صح ..؟؟
و إلا بننكشف يا عيال

زين اتوقع ما حولك احد. لان فعلا اللوبي دايم مشغول و زحمه.
وانت عاد وشطارتك ، بس انت الحين ما راح اطلب مفارش إضافية للأطفال للي معك ممكن يعرفون بكذا.
او تدري انزل ل بريمارك وأشتر لك كم مفرش الواحد ب 10 باوند ومش امورك.
على فكرة زينة الفندق ان غرفه جدا وسيعة وراح يكفيكم براحة.
رحلة موفقه

الله يجزاك خير
و يطمن قلبك

شحادك على هالطريقة أخوي ؟؟؟
لسلامتك وسلامة عيالك خذ لهم غرفة
ولا تحط روحك بموقف يخليك تتندم ، ممكن يشتكون عليك وتتعرض لمسائلة قانونية
الأفضل تحجز غرفة ثانية وانا ابدا ما انصحك بطريقة التهريب
رايح تستانس ياخوي مو عشان تحاتي

معاك حق أخي عبدالله 86 الواحد رايح يستانس مو يتبهدل
الفندق كبير واللوبي فيه مكتب تسجيل الدخول منفصل عن المدخل ومعزول شوي يعني على قولتك التهريب فيه سهل جدا
بس على قولة الأخ عبدالله أنت رايح تستانس وتوسع صدرك وصدر عيالك
ومن تجربتي أني كنت حاجزة غرفة عائلية بنفس الفندق ثيستل لأن كنا 2 كبار و 2 أطفال بس الله لايوريك الغرفة اللي عطونا اياها والله ماقدرنا ندخل الشنط ولا نوقف في الغرفة أو نفرش سجادة الصلاة
على طول نزلنا اللوبي وطلبنا غرفة واسعة ودفعنا الفرق كاش وارتحنا بس ماداك بتحجز من النت فبأمكانك ترتب امور الفندق من اللحين وتحجز غرفتين كونيكتد متلاصقتين وترتب امورك عن طريق مراسلة ايميل الفندق أو الاتصال بهم هاتفيا
أما السفر والجلوس 5 اشخاص في غرفة 20 متر فهذا العذاب بيعينه
تمنياتي لك برحلة سعيدة وموفقة ومريحة

أبشركم وجدت عندهم غرفة عائلية مساحتها 50 متر مربع
و الفرق ألف ريال على السعر الاجمالي
أنا كنت خايف انهم يحطوننا في غرفتين بعيدتين عن بعض مثل ما سوو مع احد أقاربنا
لكن تيسرت و لله الحمد

اختيارك للفندق جدا موفق
موقع ونظافة وتعامل وفطور
بالتوفيق

اكبر غرفة عندهم 47 متر وهذي اللي قلت لك أحنا أخناها بعد أن دفعنا الفرق وكانت ضيقة بعد علينا
شوف أموركم ودرجة تحملكم والله يوفقكم