انا الصراحه ماشفت الغرفه
بس يقولون صغير
هذا تقرير الاخ مهند عن الفندق
شوف صور الغرفه

و هذي بعد صوره الغرف
مبين انها صغيره

هلا بك اخوي انا اكلمك من داخل الغرفة ما عليك بصراحه الغرفه صغيرة ولكن ممكن تشيلكم اذا ثلاثة بس وبالتوفيق

أخونك ليه
حلو جداً
طيب هل الفندق ممتاز وتنصح فيه .. وكيف بالنسبة لمواقف السيارات ؟
والف شكر للآخ اللي فوق على الإفادة القيمة .

بالنسبة للممواقف لا تشيل هم فيه مواقف الدخله بدينار وبالتوفيق

انا ساكن الحين في الفندق
الفندق جيد.... موقعه ممتاز .... غرفه صغيره
العيب الكبير اللي ماله حل.... ان الغرف في الفندق مافيها ثلاجه وهذي من اكبر المشاكل خاصه اللي عنده اطفال
وفي كل طابق مكاين ماء قارورة الماء 300فلس
بالنسبه للمواقف فيه مواقف في القبو دورين بس مساحتها صغيره

مشهور2
طويل العمر ممكن تعطيني الموقع الالكتروني للفندق
وهل يطل على البحر او لا ؟
وكم سعر الغرفة حق شخصين انا وزوجتي
وممكن تعطيني خريطة تدلني على موقع الفندق وبأي منطقة هذا الفندق
أخوك أبوجاس محمد م

السلام عليكم
يعني وش اخلي وش اقول والله مدري وش اقول
تخيلو توني محتاره وضايقه فيني لاني سويت حجز بالفندق هذا وشايله هم يطلع يكسر الخاطر ويفشل ويطبون فيني اهلي هواش على هالاختيار وسبحان الله لقيت هالموضوع اللي نزل عليا من السما ههه
انا حجزت فيه خلاص بس مدري اخاف فيه ريحه ولا وصخ ولا تطلع الله يكرمكم دورة المياه مقرفه
اذا احد عنده نصيحه ياليت يفيدنا خصوصا اني حجزته الغرفه الوحده لليله ب29دينار مدري اذا كان يعتبر غالي ولا رخيص بهالفتره ومع هالزحمه؟؟
وبعد بعرف هل سهل نوصلله وبسهوله يدلوننا عليه ولا بعيد ومعقد
وهل فيه جنبه اشياء تونس تنطال بالرجلين ههه لان الرسيبشنيست حقهم قالي ان جنبهم مركز السلطان ومقابلهم ليلى قاليري
صراحه انا يوم شفت فيه امكانيه طبني الشك ليكون دون المستوى وكل الناس ماتبيه خ
الله يعطيكم الف الف الف عافيه من اللي كتب الموضوع واللي يعلقون ويفيدونا وشكرا

اخوي اسكن بمنطقة دسمان ، رخيصه وفيها فنادق وشقق مفروشة حلوه وهاديه وتناسب العزابية واللي ميزانية السكن عندهم محدوده ..
اختنا / فوفة .. اذكر متوسط اسعار إيبس 23 دينار .. شلون رفعوا السعر ل 29 دينار ؟؟
وبعدين فكرة الفندق غبية مع احترامي للقائمين عليه .. شحقه التقتير والحكاره .. لا ثلاجه لا مجفف شعر لا خدمة نزلاء .. يبه حنا خليجيين متعودين على الدلال والحمد لله تخدمنا فلوسنا .. لابو فلوس ما تعز راعيها ، فلو يطورون خدماتهم شوي ، مو يطبقون فكرة الفندق بحذافيرها ،، هذا فندق عالمي ويمكن بعض الشعوب تتقبله ، لكن شعوب خليجيه ما اعتقد بيتقبله احد إلا اللي ممكن يكيف نفسه كم يوم

أحبك يا كويت
انا حسب خبرتي ب مجموعة فنادق Ibis
بنظامها هذا وخاصه في الخليج اشوفها مناسبة جداً للعزاب ..عيبها بس صغر حجم الغرف وانا على هذا الاساس حطيت استفسار عنه لكن ك موقع ونظافة واثاث ضامنه الحمد لله
لكن كل الامور الي تكلمتي عنها انا ماتهمنى صراحه