zoomyat
28-11-2022 - 08:56 pm
السلام عليكم ..
من اسبوع رجعت من فرنسا وحبيت اني اشاركم رايي في هذا الفندق ..
الفندق كموقع ممتاز قمه الروعه ..
بس الفندق كفندق المفروض يعطونه نص نجمه !!
لا غرف نظيفه
وعلى اساس اني حاجزه سويت !! فحياتي ماشفت سويت متر في متر وكبتات مكسوره ومكيف خربان !!!
ماقدرنا نقعد فالفندق نزلنا ويلسنا اندور فندق ثاني لين حصلنا في ماريوت كورت يارد نيللي .. بعيد عن الشانز بس فرق السما والارض بينه وبين امارنيت ..
بصراحه ما انصح اي حد يسكن فيه !
واللي فخاطري اعرفه ! كيف 4 نجوم ومفتاحهم للحين بو حديده 5 كيلو ! والمقبض يفتح من بره ومن داخل بدون اي سيكيورتي !!
وكبتات الغرف مكسوره ! وغبار ...
وكله كوم والاصانصير اللي ما يشيل غير 2 كبار و2 يهال ! وال صدق صدق مال اول بالقو !
المصيبه اني شفت موقع الفندق ... والصور وايد اتغش .. يعني اللي يشوف الصور يقول هالفندق اللي واو فندق الاحلام هذا ...
في ناس بتقول نحن مانبا فالفندق الا عشان انام اخر الليل ... ماقلنا شي بس بعد الواحد يحب ينام في مكان نظيف ومرتب ..
عالعموم ماطول عليكم .... ومجرد راي وحبيت اوصله لكم ..
للاسف اني من الصدمه ماصورت الغرفه ولا جان راويتكم ...
ما الومك اصلا باريس فنادقها شبهه مستهلكه وبخيلين بالتجديدات