أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ودي استفسر عن فندق بالكويت نظيف ومرتب وله شاطئ للنساء ومنفصل عن الرجال السنة الماضية سكنت في الريجنسي وكانت تجربة ممتازة فهل في فندق اخر بنفس المستوى والفكرة لاني ما احب اولادي يشوفوا مناظر ماهي محترمة ؟؟
dr-travil
حياج الله بالكويت ونتشرف بقدومكم ........
الفنادق عندك طبعا بالاضافة للريجنسي
فندق الهيلتون فيه فلل بحمام سباحه خاص وهي روعة ...بس الشاطئ والمسبح مختلط ..
شاليهات السيشل وهي روعه بعد فيها مسبح خاص للسيدات ومغطى بالجوانب مكشوف السقف ..
في قرية المسيلة المائية والاكوابارك ايام خاصة للنساء .
بس اعتقد ان في اول نوفمبر تسكر ..بس هالسنة يمكن بعد العيد تسكر ...
الكويت تنور بوجودكم اختي الكريمة
اسعد الله ايامك اختى ام يوسف الهلتون كويس بس المشكلة في الاختلاط على الشاطئ ما اقدر احط اولادي وسط مناظر ماهي محتشمة شكلي ححجز في الريجنسي بالنسبة للفاعليات او دورات لتطوير الذات هل توجد في فترة العيد شي زي كدة علشان نستفيد بوقتنا لو بمحاضرة حلوة
صاجة كويتية ...الدورات ما في ايام العطل ..بس الدورات ايام العمل .........بس والله في دورات وايد حلوة ومفيدة بتطوير الذات ...
انا كنت احسب اني رادة على السائلة بس طلع مو رادة ....
جزاج الله خير ........
توبليرون
اختى الغالية انتي ماتقصري والله ابدا بس كنت اعتقد في دورات لاني مرة رحت دبي في اجازة الاضحى لقيتهم عاملين دورات لمدربين عالميين وكثير استفدت على العموم لو في دورات خبروني امكن اقدر اجي في المرات القادمة وخصوصا لو مقدمة للشباب او للبنات ولو سمعتوا في دورات للصيف القادم في لندن او بريطانيا من مؤسسات كويتية معروفة باتجاه محافظ ياليت تخبروني او تعطوني مواقع قد استفيد منها
السنة الماضية ارسلت ولدي مع نادي النجوم التابع للدكتور السويدان لرحلة للامارات استفاد بس مو زي ما اتوقعت
بصراحة المستوى اللي وصلتوه يا اهل الكويت الغاليين شي نفتخر به كعرب ومسلمين الله يحفظكم من كل مكروه يارب
أولا حياكم الله اختي في بلدكم الكويت
بالنسبة للفنادق فندق الريجنسي هو الوحيد اللي يخضع للضوابط الشرعية باللبس وغيره يعني ممنوع عندهم أي ملابس
للبحر أو حمام السباحة وفيه أماكن مخصصة للنساء ومرة تكلم عنه الشيخ نبيل العوضي في برنامجه ولكن يوجد هناك
فندق ومنتجع قريب من الريجنسي وهو النخيل أو بالمز آخر مرة رحت له كان الجو بارد مو جو سباحة استمتعنا بالجلوس
على الشاطئ وماشفنا أي مناظر غير مستحبة بالاضافة إلى وجود سبا رائع عندهم وعندهم مكان مخصص للأطفال
فيه بعض الالعاب مع وجود مسؤولة عنهم تقدرين تخلين الاولاد عندهم مع رقم التلفون لاسمح الله ولكن مسألة المناظر
غير مضمونه يعني من وجهة نظري دام انكم ارتحتوا من الريجنسي ليش تغيرونه...الفنادق والمنتجعات كثيرة ولكن ريجنسي
يتميز بهذه النقطة مما يجعله مقصدا لبعض العوائل المحافظة..أما بخصوص الدورات في دورات ولكن قبل العيد وخليني أتأكد
اذا في شي في فترة تواجدكم بالكويت ياليت توافيني بالتواريخ و بخصوص الاولاد طبعا هناك الكثير من الرحلات هذي وايد
يمدحون رحلات الدكتور محمد الثويني ويوجد غيره بعد.
شكرا على كلامج الجميل ومشاعرج الطيبة تجاه ديرتنا أتمنى لكم طيب الاقامة وقضاء
أسعد اللحظات في ربوع الكويت الحبيبة.
كويتية^رحالة
ما شاء الله عليكي اختى اجابتك واضحة بالتفصيل احنا حجزنا على الرجنسي من 3 الى 9 نوفمبر ان شاء الله بس شاطئ النساء شويه صغير علشان كدة بسال لو في واحد اوسع واكبر (طماعه) ومن جد الدكتور الثويني رائع لو تدري عن دورات ليه ياريت تخبروني او طريقة للاتصال به الله يسعدك ويسلمك يارب واشكرك اختى على الاجابة من جد والنعم بيكم يا اهل الكويت
حياج الله بالكويت ونتشرف بقدومكم ........
الفنادق عندك طبعا بالاضافة للريجنسي
فندق الهيلتون فيه فلل بحمام سباحه خاص وهي روعة ...بس الشاطئ والمسبح مختلط ..
شاليهات السيشل وهي روعه بعد فيها مسبح خاص للسيدات ومغطى بالجوانب مكشوف السقف ..
في قرية المسيلة المائية والاكوابارك ايام خاصة للنساء .
بس اعتقد ان في اول نوفمبر تسكر ..بس هالسنة يمكن بعد العيد تسكر ...
الكويت تنور بوجودكم اختي الكريمة