أحب أضيف كم نقطه بعد إذنك
الفندق جديد جداً وتم إفتتاحه قبل 3 اسابيع بالضبط
موقعه حلو
قمت بزيارته قبل أيام
إطلعت على الغرف العاديه ( 920 ريال )
وإطلعت على الجناح الصغير ( 3000 تقريباً ! )
بعض الامور في الفندق لم تكتمل مثل المسبح وغيرها
تحس برائحة الجديد فيه
قليل هم النازلين في الفندق وذلك لحداثته
يوجد مقهى جميل ( تشاكليت لاونج ) في الدور الاول
الغرف لايوجد فيها بلكونه وذلك بسبب النظام الجديد للبلديه حسب إفادة مدير الفندق شريف محسن
مدخل السيارات للفندق غريب وغير عملي نهائياً
بهو الفندق أنيق ولكنه صغير نوعاً ما
يعتبر الفندق الوحيد في الخبر مع الميريديان المطل مباشرةً على البحر .. ويسعون للحصول على الأرض الواقعة خلف الفندق لتضم لهم
شكراً لك اخي

ياليت فيه صور اخوي

فندق سوفيتيل له شاطيء على البحر مباشرة عكس الميريديان اللي بينه وبين البحر شارع الكورنيش ..

يعطيكم العافيه على الاضافات بس رجاء لايتحول الموضوع موضوع استفسارات سكن اي استفسار عن السكن على هالرابط
الرجاء وضع الاستفسار بخصوص الفنادق والشقق والمنتجعات في الموضوع المثبت المخصص لذلك***
الإدارة
https://artravelers.com/p/re/327146

هو الفندق الوحيد بالشرقيه الي على البحر
وممكن تشوف البحرين منه بالراحه
بس مريت عليه قبل اسبوعين وكان مغلق !

أحب أشكر أخي صاحب الموضوع ولكن لدي تعليق أتمنى أن لايتم حذفه أو تعديله فهو لايخرج أبدا عن الأدب أو الدين وإنما صراحة وحقيقة وأمر واقع أود توضيح وجهة نظري تجاهه..
يعني فندق غرفته ب 900 ريال يعني ب 240 دولار !!!! في الليلة !!!
أسألكم بالله هذا معقول!! لا وليته على شي يستاهل ... حتى بلكونة مافيه ... حتى ساحل بحري مجهز ومظلات
وقوراب مافيه !!!
معليش بس والله قمة الإستغلال والإستغفال والله يهدي اللي يسكن فيه لأنه يشجع على هالجشع !!!
معقول في هالمكان البائس جدا !!! سعر الغرفة مش سويت ولا شي غرفة بس ب، 240 دولار !!!!!!
والله قوية قوية .. يعني اغلى من أحلى فنادق بيروت ودبي والقاهرة ونيويورك وعلى فكرة أنا أتحدى أي احد يلقى
في لاس فيغاس فندق بهالسعر !!!! ياناس والله لازم نقاطع هالفنادق !!
يعني بالمبلغ هذا اروح واسكن لي احلى ليلة في البحرين واتمشى واتعشى في افخم المطاعم واستانس واشوف فيلم
ويبقى بعد !!!!

أخوي فارس تميم ..
سوفيتيل خمسة نجوم وهذا السعر وان كان مبالغ فيه فعلا ولكن مقارب لاسعار فنادق الخمسة نجوم في الخبر مثل المريديان والموفنبيك وأيضا مقارب لاسعار فنادق الخمسة نجوم في البحرين مثل الريتز والخليج ..
الاسعار حاليا بشكل عام تتراوح بين 700 و1200 ريال في الفنادق الخمسة نجوم يعتمد على الفخامة والموقع وبصراحة أفضلهم لايستحق أكثر من 500 ريال ..
لو انك متابع لاسعار الفنادق في السنوات الماضية راح تلاحظ ارتفاع غير مبرر في الفترة الحالية .. مثلا الريتز كانت ليلته 700 ريال في 2004 .. الان السعر يصل الى 1400 للغرفة العادية وهيلتون جدة سكنت فيه في 2005 وكانت الليلة ب 500 ريال الان السعر لايقل عن ألف ريال !!!! ..

اتوقع هذي اسعار الفنادق هالايام في كل مكان
والدليل فندق موفنبيك اللي ما يطل إلا على خرابه .. سعره غرفته ضعف سعر غرف السوفيتيل

السلام عليكم ورحمه الله وبركاته
نعم انا مع كلام اخوي فارس تميم والله شي مايستاهل هالمبلغ وش فيه زود 900 ريال لغرفه عاديه وين حنا فيه حتى في شرم الشيخ ماتحصل هالمبلغ وهو يعد من اجمل المنتجعات السياحيه والسلام