نشر في الخبر

فندق رمادا الخبر

سلطان الشرقية

29-05-2022 - 10:15 am

يعتبر فندق الخبر رمادا من الفنادق الرائدة في مدينة الخبر, ويقع فندق الخبر رمادا في وسط المدينة يطل على الواجهة البحرية لمدينة الخبر وعلى شارع الامير ماجد
يتكون فندق الخبر رمادا من 5 طوابق, بحيث تضم 4 طوابق وتضم عبارة عن 38 غرفه وجناح ودبلوكس, ويتكون الطابق الخامس من مطعم كبير ومقهى يطلان على الواجهة البحرية لمدينة الخبر
ويبعد عن مطار الملك فهد الدولي بالدمام حوالي 45 دقيقة .
الموقع الآلكتروني لفندق رمادا الخبر
http://ramadainternational.com/rama...arshaCode=DHANR
للحجز والآستفسار
1-03
تقبلوا خالص تحياتي/ سلطان الشرقية

التعليقات (8)

مهاجر

29-05-2022 - 01:01 pm

دائماً مبدع
تسلم سلطان على الفندق الجميل
سكنت في الفندق أكثر من مره وحقيقة الفندق مستواه جيد
الغرف أو الأجتحه دورين الصاله والمطبخ تحت وغرفة النوم ودورة المياه في الدور العلوي
و في الفندق مطعم مشهور على مستوى الشرقيه أسمه مطعم الدور التاسع
أذكر آخر مره سكنت فيه قبل 3 شهور وأخذت الجناح ب 450 ريال

سلطان الشرقية

29-05-2022 - 02:02 pm

ياهلا ويامرحبا فيك يالغالي مهاجر
يعطيك العافيه على المشاركه والتواجد
بصراحه فعلآ الفندق رائع , والمطعم تصدق ان فيه ناس يجون من مناطق خارج الشرقية خصيصأ عشان يفطرون او يتغدون ويتعشون في فندق رمادا!!
فعلآ هالمطعم مافيه أرقى منه وخدمه تاخذ العقل
تحياتي لك/سلطان الشرقية

النابغة3

29-05-2022 - 03:03 pm

مشكور أخوي سلطان على المشاركة اللي الكثير بحاجتها خاصة مع تضخم عدد الزوار وقلة المعرفة بالفنادق عن قرب
موضوعاتك عن الفنادق رائعة استفاد منها الكثير وأنا من الشاكرين لكم
حتى جديدك القادم
النابغة3

شبية الريح

29-05-2022 - 04:04 pm

مشكور اخوي على هذة المعلومات لان تفيدني وايد وخاصة انا من قطر واروح الخبر يعني وايد اكيد بستفيد من هذة المعلومات
يعطيك العافية

سلطان الشرقية

29-05-2022 - 05:05 pm

الغالي النابغه3 يعطيك العافيه يالغالي على هالمشاركه والتواجد والحمدلله انها افادتكم وان شاء الله بين كل فترة وفترة راح يكون هناك موضوع يتحدث عن أحد فنادق المنطقة الشرقية

_ _ ___

الغالي شبيه الرياح ياحياك الله انت واهل قطر كلهم , تنورون الخبر ان شاء الله, واتمنى ان مثل هالمواضيع فعلآ تفيدكم وتعطيكم معلومات اكثر عن الفنادق في المنطقة الشرقية
تحياتي لكم/سلطان الشرقية

ابن السعودية

29-05-2022 - 06:06 pm

يعطيك العافية سلطان الشرقية انت دائم تعلمنا بكل ما هو مفرح عن الشرقية
سلطان كان في مدينة بلجرشي فندق تابع لسلسلة رمادا الذي يملكها التاجر المعروف بالمنطقة
الشرقية سعيد علي غدران كان يتكون من حوالي عشر فلل مختلفة المقاسات وبرج مكون من 7 طوابق
ومسبح وملاعب مكانه جميل وموقعة جميل لكن قبل حوالي 8 سنوات تحول الى مستشفى
باسم مستشفى غدران العام لان المكاسب من كلامه كانت قليلة
صراحة فندق شكلة جميل وموقعة اجمل واجمل من اللي في الصورة عندك لكن ما كتب الله ان يبقى فندق
وانا رايح احاول اطلع له صور من النت اذا حصلت ان شاء الله

radesh

29-05-2022 - 07:07 pm

تسلم سلطان على الفندق الجميل

بن بطوطة

29-05-2022 - 09:09 pm

جزاك الله خير أخى سلطان الشرقية وماقصرت بهالموضوع الحلو ....
الله يعطيك العافية ...

الخبر المسافرون العرب

فندق رمادا الخبر