وعليكم السلام ورحمه الله وبركاته اخي عرقة
انا سكنت بهالفندق وسعره 138 دولار الليله واشوف سعره مناسب مقارنة بالفنادق الثانيه ولا تنسى انه جديد ما صارله 6 اشهر من افتتاحه
والفندق ممتاز من ناحيه الفخامه والخدمه وفيه مجمع تجاري جديد اسمه ستارز سنتر واللي يعتبر مفخرة مصر من حيث الفخامه والماركات العالميه و 10 صالات سينما وركن لالعاب الاطفال ودور كامل من المطاعم العالميه مثل تشيليز واشهر المقاهي مثل سياتل بست
وهذا رابط الفندق
http://heliopolis.intercontinental.com
اذا فيه اي استفسار ثاني انا حاضر
تحياتي
فتى الشرقيه

ما قصرت يا فتى الشرقية
وجزيت خير والله يعطيك ألف عافية .

يا سلام عليك يا فتى الشرقيه من زمان وانا ادور على هذا الفندق ويقولون لي توه ما فتح
ودي اسئلك ياخوي كم سؤال بس طول بالك وياي
1- حسب مافهمت من موقعهم ان عندهم برج كله شقق مثل هذي

مدري فتحوها ولا للحين ؟
2- تقريبا كم الوقت من الفندق للمقطم - قلعة صلاح الدين ؟

الاخوه عرقة وعاشق القاهره
الله يعافيكم ويسلمكم وانا بخدمة اعضاء المنتدى اللي استفدت منه كثير
وهذي صور للغرفه اللي سكنت فيها هديه لكم
الاخ الاجودي
راح اجاوبك باللي اقدر عليه ان شاءالله
1- حسب مافهمت من موقعهم ان عندهم برج كله شقق
الفندق جزء من مشروع ضخم جدا لم يكتمل بعد و يتكون هذا المشروع من عمارات شقق مكتبيه وشقق سكنيه ومجمع تجاري بالاضافه الى الفندق
ولم يفتتح الى الان سوى الفندق وجزء من ستارز سنتر
واعتقد ان البرج اللي تقصده سيفتتح قريبا
2- تقريبا كم الوقت من الفندق للمقطم - قلعة صلاح الدين ؟
حوالي ربع ساعه ويمكن نص ساعه مع الزحمه
الفندق قريب من طريق الاوتوستراد السريع الذي يؤدي الى شارع صلاح سالم ومنه الى القلعه
ترى المشوار 10 جنيه بالكثير للقلعه بالتاكسي
3- وشهي المطاعم المشهوره في السيتي ستارز وهل فيه سوبرماركت ؟
تشيليز وماكدونالدز وبرجر كنج وكنتاكي وبيتزا هت وغيرها من المطاعم العالميه المشهوره
وفيه مطعم لبناني اسمه زحله اذا ما نسيت
وفيه ايضا سوبر ماركت في الدور الارضي
4- المناظر حول الفندق تفتح النفس ولا خرابات وتسكر الستاير احسن
هذا المنظر من الغرفه اللي سكنت فيها وتطل على مدخل المجمع
واذا سكنت بغرفه تطل عالجهه الثانيه من الفندق, سكر الستاير احسن
5- بس ويعطيك العافيه يا غالي
الله يعافيك يالغالي بس هالخدمه مو ببلاش, لازم تكتب تقرير مفصل بالصور اذا رجعت بالسلامه ان شاءالله
وبالتوفيق للجميع
تحياتي
فتى الشرقيه

جزاك الله خير عزالله انك كفيت ووفيت
ما قصرت اخوي فتى الشرقيه
ومن ناحية التقرير ابشر انشالله بالي يسوي لكم تقرير طوله كيلو

باين من الصور ان الفندق جميل
عموما دائما فنادق الأنتركونتننتال جميله
وما قصرت يا فتى الشرقيه

مرتب وراقى ......
شكرا يافتى الشرقية .....
يعطيك العافية ...

الاجودي
ويجزاك خير اخوي...حاضرين للطيبين
الاخوه مهاجر و بن بطوطه
يشرفني مروركم الكريم
وهذا اقل شي اقدمه للمنتدى
وانا ناوي اكتب مواضيع وتقارير قريبا بس افضى شوي وارتب الصور
وحياكم الله