موقع تعيس لفندق تعيس
انصحك بالابتعاد عنه وعدم التفكير فيه نهائياَ
واذا معاك اطفال وعائلة فالافضل شقق بكل تاكيد
ودي افيدك ولكن عادة ما اروح الا وحدي ولا اسكن الا قريب من الشانز

الفندق موقعة جيد وقريب من كل شئ وأنصحك بة ومستواة قبل كم سنة كان ممتاز , أتمنى منك الإبحار في مواضيع البوابة الفرنسية ستفيدك كثيرا .
أتمنى لك التوفيق

ابوفواز مشكور وربي يجزاك خير ,,, وانا سكنت فيه من سنتين تقريبا بس لمدة ليلتين وناسيه كل شي عنه
لاهنت يالغالي

اختي انا رايحه لهالفندق مع زوجي وبدون اطفال ان شاء الله حتكون روحتنا من تاريخ 2212الين 11وشوف الموضوع حقي عملت استفسار عن الفندق وماقصرو الأخوان..اما عن الفطور احنا اخذنا الاقامه بالفطور وان شاء الله يكون الفندق مثل مانبي واحسن
https://artravelers.com/p/re/340325

وعليكم السلام ورحمة الله وبركاته
هلا وغلا بأهل المطر والخير :8888:
سكنا الفندق سنة 2006 والفندق يبعد حوالي اقل من 10 دقايق مشي لين الشانز ..
عن نفسي عجبني لأن المكان هادي وحلو وريوقهم حلو بس فيه مجمع لاصق فيه وبينهم باب ..المجمع حلو وفيه شغلات حلوه وفيه كوفي تحت عند الجمعيه كنا انخلي ريوق الفندق ( معالعلم ان حساب الريوق مدفوع :8888: ) وانروح نتريق في هالكوفي لأن كل المعجنات الي ايسويها من كروسون وفطاير فرش
بس مافيه باص ايودي على ديزني على حد علمي ..واذكر خذينا تذاكر ديزني من عند الفندق ..
سنة 2007 سكنا الوروويك و2009 سكنا شقق كلاريدج وكان عددنا كبير هالسنه ( 6 حريم + 5 رجاجيل ) واخذنا شقق في كلاريج الموجوده عند سيفورا وماريوت في الشانز ..
إذا كنتوا اتحبون الهدوء هالفندق حلو اما إذا اتحبون الحركه والزحمه ماراح يعجبكم ..
واي خدمه احنا في الخدمه
ولاتنسون العربانه حق الصغار

القطري
ياهلا وغلا ولد عمي
ان شاءالله خلاص بنسكن فيه مابغيت احصل حجز من الحين فل
بس بسألك المترو سهل ولا صعب ؟؟,,,,,؟؟ وحق ديزني بالرير شلون بعد ؟؟؟؟ المشكله اني انا اللي طاقه الصدر ومرتبه الرحله

بالنسبه للمترو ما فيه صعوبه بس يبيله تركيز شوي و ان شاء الله تمشي امورك
بس لازم تنتبهون ان باب المترو يتسكر بسرعه فلازم تديرين بالج على اليهال و تركبينهم معاج بسرعه
الفندق يسوي رحلات كل يوم حق ديزني لاند و تقدرين تاخذين منه التذاكر بعد

وانتي قدها ونص ان شاءالله
هذي صوره توضيحيه للفندق ( الدويره الحمرا ) وقوس النصر ( الدويره الزرقا ) والشانز ( الخط الأخضر )

بالنسبه للمترو تقدرون اتروحون الديزني من محطة المترو الي عند قوس النصر ( جنب السفاره القطريه ) ..
ومحطه ديزني بتكون اخر محطه في المسار اسمها

وهذي صور من المترو من داخل يوم ركبناه

والمترو عندهم دورين :8888:

واحلى شي في المترو هاللوحه ..اللوحه هذي اتبين اسامي المحطات وإذا مشيتوا راح اتلاقون ليت يشتغل ويطفي وهذا معناته ان هذي اسم المحطه الجايه الي بتوقفون عندها

اخوي ال غ الي ... القطري ... مشكور من كل قلبي فعلاأآآآ كنت خايفه من المترو ... بس مع الصور
انت صج فنان ..
واذا تذكرت شي بارجع لك واستحملني شوي