عندك فندق الهلتون هايد بارك مكانه جدا ممتاز ومطل على الهايد من جهه العاب الاطفال (السفينه مات بيتر بان) والفندق ممتاز وخدمة حلوة جدا واكسفورد يبعد 15 او 10 دقايق مشي والكنسقتون قريب جدا ومنطقه النوتينغ هل خلفه وهو في البايز واتر ومكانه جدا عائلي
بس سعره ماعرفه
اما المكان اللي في خارج لندن
عندك البلاك بول روحوها 3 ايام لنها صدق روعه لدرجة يسمونها جنه الله في الارض من بحيرات لألعاب وطبيعه
خيال
واتمنى لكم اجازة سعيدة

هلا وغلا الغالي ..
ياليت أتحدد لنا التاريخ بالضبط إذا ماعليك أمر ..
ومبدئياً عندك فندق ثيستل ماربل أرتش وفندق السليفرج وفندق راديسون بورتمان وفيه كامبرلاند ولكنه في الغالب أيكون أغلى من السعر الي اتفضلت فيه ..
خارج لندن نفس ماقال أخوي المها اوكت ..بلاك بول حلوه وجنة الله في الأرض نفس ماأيسمونها الأنجليز ..
وعندك بعض الأماكن تطلع لها من الصباح بدري وأتردون المغرب نفس برايتون + مجمع بلووتر +
ملاهي chessington world of adventure
وإذا عندك أي سؤال أو أستفسار لاتتردد الغالي ..
اسأل وأحنا كلنا تحت أمرك ..
بس لاتنسى أتحدد لناا لتاريخ الغالي بالنسبه للسكن ..

هاي اقين
اخوي انا المها يعني مايصير اتقول لي اخوي انا اختك :d
بالنسبة لبرايتون فيه تهبل رحت لها العام وكانت المرشدة السياحية اتقول انه في مجال العيله تقعد ببرايتون اكثر من يوم وفيها فنادق 5 نجوم
بس انا احس انه وايد عليها يوم تلفها كلها وتستانس وغير جي
لو يبون تروحون اماكن سياحيه ترا في مكاتب في اجور روود (ماحب هالشارع ابد) تسوي رحلات عائلية خاصه او مع قروبات
هاي بالصيف مادري عنهم بالشتا شيسوون
اي والفندق اللي قلت عنه الهلتون هايجد بارك ترا سعره كان بالصيف حوالي 2000 ريال بالليله للغرفه الديلوكس
بس ماتلاقي فندق خمس نجوم ونظيف رخيص اعتقد هاي اسعارهم في كل الفنادق الزيننة

السلام عليكم اخوي اقترح عليك اذا ترغب في اوتيلات اسعارها مابين 50 و120 باوند تاخذ اول ليله في احد الفنادق الكبيره مثل رادسون او تشرشل وبعد ذلك تبحث في المنطقة ما بين شارع بيكرستريت واجور رود هناك ستجد العشرات من الاوتيلات الراقية المحدودة الاسعار او تذهب لاحد المكاتب في اجور رود ستجد الكثير من الشقق المعقوله الاسعار والله يسهل امورك والمناطق الحلوه زي ما قالوالك الاخوان او من مكاتب اجور رود هناك العديد من الرحلات 0

almaha_oct
الله يعافيك ... ثانكس

القطري ...
مشكور ..
الفتره تقريبيا .. لم يتاكد موعد السفر ى ... من 10 ديسمبر .. لمدة اسبوعين .. تقريبا ..

غريبه ليش ما ظهر ردي على الاخت almaha_oct
كتبته قبل ردي على القطري ولم يظهر ... عموما الف شكر لك اختي الكريمة والمعذرة .. والشكر موصول للجميع ...

الغالي
شيكت على الفنادق المعروفه هناك ولقيتها للأسف كلها تتعدى 120 باوند
إذا بغيت رأيي في بعض الفنادق ال 3 نجوم ولكنها نظيفه فليش ماتسكن فيها !
الشور عندك طال عمرك ..
أنت فصل وأحنا نلبس

اهم شي التاريخ اللي بتسافر فيه عشان نشوف لك الاسعار اللي تناسبك (: