سلسلة فنادق أكور جيدة وأسعارها ممتازة ابحث هنا :
http://www.accorhotels.com/accorhotels/index.html
ورحلة موفقة ان شاء الله

الغانم سلسله ال nh هوتيل تراها بالحيل ممتازه ..فنادق اربع نجوم وعباره عن سويتات حلوه بالمره انا سكنت فيها قبل العام وحسبوها لي ب92 يورو ..السنه هذي اتصلت عليهم قالو من بعد 27/7/2007 راح يكون السعر ب99 يورو قبل هالتاريخ ب 120 يورو تسالني ليش ..بصراحه مدري ..!!!! السويت عباره عن صاله فيها مطبخ صغير بمكروويف...وتلفزيون وحمام...وغرفه نوم دبل بوسطها حمام....والكنب اللي بالصاله عباره عن سوفا تقدر تفتحها وتصير سرير ويجبون لك فرش اضافي لها ..موقع الفندق علي شارع ماريا هلفرز المشهور ..جنبك المطاعم والمقاهي ومحلات الشوبنق الكبيره ومحلات الايسكريم والسوبر ماركت وكل شي ..وقريب من شارع المشاة حوالي عشرين دقيقه مشي اذا انت واللي معاك يحبون المشي...وحوالي خمس دقايق عند اقرب محطه اندر قراوند... انتبه تري الشارع هذا فيه اثنين nh واحد علي الشارع بالضبط ..والثاني تدخل له بطريق فرعي ..الله يوفقك ورحله سعيده.....

الغانم
تأكد انها للشخصين وتشمل الفطور
كثير من الموقع تحسبها للشخص الواحد وانت تضربها في اثنين

شموخ الجبال
الفيحاوي
خالد
azraq71
شاكر لكم تواصلكم الجميل .. ويعطيكم ألف عافية ..
لكن أتمنى من الاخوة الذين حصلوا على فنادق
قريبة من الأسعار اللي ذكرتها أن لا يبخلوا علينا
بالمعلومة والنصيحة لأن المدة ستكون طويلة
شوي وأرغب في الإقتصاد من ناحية السكن ..
يعني سكن نظيف و موقعه جيد ..
ودمتم جميعا ..
الغانم

السلام عليكم
ودي لو تكرمتوا اعرف ايهما افضل فندق الماريوت ولا فندق المرديان فى فينا مع خالص الشكر

أخوي غانم
أنا سكنت فندق ارتست حول الأسعار الي تبيها
وهو فندق ثلاث نجوم .. مافية عربي واحد
وتقدر تروح لساحة ستيفنز بالترام (71) دقيقتين بالكثير
تبغى تحجز الفندق من مكتب العربية الي بالملز أرخص سعر لقيتة عنده شامل الإفطار
وبالتوفيق

ثامر المطرودي
تبي شوري
المرديان بدون منازع
إذا مادعيت لي من قلبك .. دفعت عنك مصاريف الرحلة كاملة
سكنت فية يومين ( أحلى أيام حياتي )
بس إنه غالي حبتين عشان كذا ماطولت فية أذكر أخذت اليوم ب 190 دولار نهاية أوقست وبداية سبتمبر

مشكور ياسيف وقلم علي التوصيه بالمرديان فينا . انا الحقيقه مقتنع بس كان ودي احد يشجعني عليه . لكن انا حصلته بسعر 1025 ريال غرفه مزدوجه مع الفطور يعني 273 دولار هل السعر يعتبر معقول نهايه جولاي بدايه اغسطس الف شكر مره اخري للجميع