هلا يا جماعة.. ابي احاول انقل الموضوع لقسم الاستفسارات بس مب قادر.. اتمنى احد المشرفين ينقله في مكانه الصحيح

شوف الفندق الاول موقعه بشارع فهد السالم
اما الثاني فموقعه على البحر والمنطقه هناك هاديه
اعتقد تحجز بالثاني افضل لك كفايه انه اطلالته على البحر اما الاول فهو يطل على دوار الشيراتون وهذا المكان في يوم الجمعه بالذات اتكون كانك قاعد في مومبي ما كانك بالكويت وحواليه الفندق كله اسوقه حق الهنود والفلبن
وعندي اقتراح ليش ما تحجز في فندق المارينا فهو احدث وارقى وقبل كم شهر اخذ جائزه افضل فندق بالشرق الاوسط وقريب جدا من الاسواق والمطاعم والكافيهات وما تحتاج تاخذ تكاسي حتى المركز العلمي تقدر اتروحله مشى لانه الجو هالايام وايد حلو

الفندق الاول اعتقد اجدد من الثاني و اب نظري احلى لكن كموقع اضم صوتي للاخ الملك و انا ايضا ارشح لك فندق المارينا كل شي يمك لكنه على ما اعتقد اغلى من الباجي... و حياك الله

الأول أجدد و الثاني موقعه حلو
لكن انصحك بفندق المارينا أو فندق هوليدي ان
حياك الله بالكويت

الصراحه مدري
الاخوان ما قصروا
تجون بالسلامه

الاول اجدد من الثاني ولكن موقعهم في العاصمة
وانا انصحك انك تسكن في السالمية بفندق المارينامول
وراح يكون كل شئ جنبك ان شاء الله

الثاني موقعه أحلى أكيد و له إطلالة حلوة عالبحر...!
و عندك هوليدي إن السالمية من البدائل الممتازة لك...!
و بالنسبة لفندق المارينا هو أفضلهم أكيد لكن يعيبه إرتفاع سعره شوي...!

الملك
honeyMooner
زعطوطه
المرام
@عاشق الخيال@
Dhari
شكرا لكم كلكم على المرور وبصراحه افحمتوني
المارينا باين عليه فندق ما فوقه فوق .. لكن اعتقد سعره مرتفع مقارنه باسعار فنادقنا في البحرين..
الحين انا محتار بين فندقين وابي مشورتكم ..
هوليدي ان السالمية او Le Méridien Kuwait
حسب مافهمت ان اثنينهم بعاد عن الزحمة .. وموقعهم مناسب قريب من الاسواق..
بس اي واحد منهم افضل من ناحية السكن .. والخدمات وبوفيه الافطار
سامحوني تعبتكم

الأفضل بالنسبة لي هوليدي ان
و هاذا رابط لزياره أخوي الجبل الأشم عن فندي هوليدي ان و في صور روعه
هوليدي ان - الجبل الأشم https://artravelers.com/p/re/157225