السلام عليكم حنا نبي ننزل للشرقيه الثلاثاء القادم ابغى اسال احسن فندق5نجوم ويكون جديد وياليت الرقم اوموقعهم الالكتروني وش تنصوني بالاسواق وش اشهرالمطاعم لاني انا من القصيم ابي وش احسن الاماكن اللي ازورها شاكره لكم تعاونكم

ياهلا ويامرحبا فيج أختي وحياكم الله في الخبر
بالنسبة للفنادق الجديدة 5 نجوم عندج مايلي :
1: فندق موفنبيك الخبر : يقع فندق موفمبيك الخبر على شارع الامير تركي الذي تطل عليه معظم المنشئات الفندقية والمراكز التجارية والترفيهيه
للمزيد من المعلومات : هاتف: 8984999 _ 03
http://www.moevenpick-hotels.com/en/pub/your_hotels/worldmap/al_khobar/overview.cfm
2: فندق أنتركونتننتال الخبر : يقع فندق أنتركونتننتال الخبر في وسط الخبر قرب مركز المال والتجارة
للمزيد من المعلومات : هاتف : 8010444 _ 03
http://www.ichotelsgroup.com/intercontinental/en/gb/reservations/dates-preferences/alkhobar
3: فندق كورال انترناشيونال الخبر : يقع فندق كورال انترناشيونال الخبر على طريق الملك عبدالله بن عبدالعزيز وهو الشريان الحيوي لمدينة الخبر ومدخلها الرئيسي
للمزيد من المعلومات: هاتف: 8696666 _ 03
الموقع الآلكتروني: http://www.coral-international.com/khobar/

• _________ __________ _________

بالنسبة للمجمعات التجارية عندج مايلي :
1: مجمع الراشد مول
2: مجمع الظهران مول
3: مجمع فينيسيا مول
4: مجمع الجمعه سيتي سنتر
5: مجمع الدمام مارينا مول بالدمام على الكورنيش
6: مجمع الشاطئ مول : بالدمام على الكورنيش مقابل الشيراتون
وعندج سوق السويكت بالخبر من أبرز الأسواق الشعبية بالخبر
أما المطاعم عندج على الكورنيش والواجهة البحرية غالبية المطاعم يمينج ويسارج وتختارين الي يناسبكم
وأي استفسار حاضرين
تحياتي: سلطان الشرقية

الخبر مليانه اماكن ومولات حلوة ومطاعم بعد طبي واختاري
اهم مجمعين في الخبر هم الظهران مول والراشد
المطاعم عندك فرايديز عالكورنيش مره تحفه ورهيب وموقعه حلو كثير
اتمنى تستمتعوا

ماشاء الله الاخ سلطان مايخليلي شي اقووله يعطيك العافيه كفييت ووفيت

عندك شقق اكناان الفندقيه حللوه وقريبه من الراشد
شقه بغرفتين وصاله وحمامين ب450

فندق الانتر وفندق موفنبيك
هذولا اجدد فندقين بالخبر
والاخوان ماقصروو اعطوك الارقام