الوحيد اللي على شارع العرب الهيلتون و الباقي في شوارع فرعية من شارع العرب خطوات مثل ماريوت ماربل ارش و الكمبرلاند
اذا الميزانية كويسه نصيحتي لك احجز في الماريووت بارك لين ,,قريب من شارع العرب وعلى شارع الاكسفورد ومقابل الهايد بارك ,,, سعره حدود 300 الى 350 باوند با الليله
اذا الميزانية ماتسمح عندك الثيستل ماربل ارش او موستين او الميلينيوم ماي فير وبدرجة اقل الكمبرلاند
موفق ان شاءالله

^
^
^
كلام حلو عزيزي
بس ماتحس انك ظالم الكامبرلاند
حالياً.. تراه مجدد .. وغرفه مرره كويسه ..
وموقعه بعد ممتاز .. واقرب من سيثل ماربل ارج .. (( الي للآن غرفه ماجددت ))

دمووع^الحزن
انا ظالمة حرام عليك با العكس انا مدحته وحطيته خيار رغم انه مايستاهل ولا ربع سعره وحرام الناس تتهافت عليه وهو مايستاهل وعلى فكرة انا سكنته للمرة الاولى و الاخيرة ان شاءالله بنوفمبر 2008 يعني من شهر تقريبا مو قديم عنه
صحيح الفندق موقعه اسطوري واثاثة مودرن بس الغرفه صغيره جدا مايمديك تحصل مكان تفرش سجادتك وتصلي فيه و دورة المياه الله يكرمك كانها دورة مياه عمومية من صغرها و الفندق يبي لك توقف سرى ربع ساعه الى نص ساعه عشان تسوي شيك ان او شيك اوت من الزحمة ونفس الشي عند الفطور زحمة تجيب الهم و الموظفين نفوسهم بخشومهم و الخدمات سيئة ,,,الفندق سمعة وعشان موقعه ولا الثيستل ماربل ارش ملاصق فيه ويسواه بالف مره يكفي ان غرفته وسيعه وخدماته حلوه
اختلاف الرأي لايفسد للود قضية
دمت ومن تحب بأتم صحه وعافيه

^
^
^
حلو كلام جميل ..
يعني الزحمه عليه مو بالصيف بس
عموماً.. الخليجين كثير يفضلونه وانا افضله ..
حباً.. في موقعه .. اولاً.. وآخراً
عموماً.. يعني حتى .. اللوبي حقه حلو .. ومجدد ..
عموما سمعت بعد كلام حلو .. عن ماريوت الهايد بارك .. وماريوت ثاني قريب منه ماني فاكره ..!!
وش رايك فيه ؟

يعطيكم العافيه جميعا
حدي مصر
دموع الحزن
فندق الكامبرلاند ممكن أعرف سعره بعد شهر تقريبا بالريال السعودي ؟
خصوصا ان موقعه جميل مثل ماتفضلتوا ..
شكرا لكم مره اخرى

تقريباً بب 1100 الى 1500

لاهنت يادموع الحزن
تنصح بالذهاب الى لندن للسياحه في 17 فبراير القادم ؟ خصوصا ان الجو امطار وبرد وثلوج ؟ أبي رأيك لو سمحت ولو انت مكاني ماعندك الا 10 ايام وين تروح لندن في هالجو والا غيرها ؟
شكرا لك

دمووع^الحزن
اذا على الموقع فيه فنادق كثيره جنب الكمبرلاند واوفر منه وافضل واذا على الفخامه ازيد شوي واسكن بفندق زي الناس مثل الماريوت بارك لين ابرك واحسن
عموما سمعت بعد كلام حلو .. عن ماريوت الهايد بارك .. وماريوت ثاني قريب منه ماني فاكره ..!!
اذا تقصد ماريوت بارك لين اللي على بداية الاكسفورد وبداية البارك لين ومقابل الهايد بارك فهو في نظري الخيار الاول للسكن في لندن في سفراتي القادمة باذن الله على الرغم من ارتفاع سعره قليلا (300 باوند للغرفة العادية و 400 باوند للاكزكتيف)
واذا تقصد ماريوت ماربل ارش فهذا مجدد حاليا في وقت سفري قاعدين يشتغلون عليه وهو اقرب للادجوار رود لانه بشارع فرعي في دخلة مطعم سليماني الكردي وعلى بعد 100 متر عن الكمبرلاند وفيه كثير يمدحونه بس برضو اغلى من الكمبرلاند
سعود المنصور لاهنت يادموع الحزن
تنصح بالذهاب الى لندن للسياحه في 17 فبراير القادم ؟ خصوصا ان الجو امطار وبرد وثلوج ؟ أبي رأيك لو سمحت ولو انت مكاني ماعندك الا 10 ايام وين تروح لندن في هالجو والا غيرها ؟
شكرا لك
وجهة نظري عن لندن انها تصلح لجميع اوقات السنه رغم برودة الجو (متوسط -2 درجة الحراره) بس اذا ماعندك الا 10 ايام بس اطلع 6 ليالي لندن و 4 ليالي باريس وعيش حياتك
موفقين ان شاءالله