السلام عليكم
اليوم بنروح معاكم شاليهات الخيران
بس بتكلم معاكم عن الفيلا وهي اكبر الشاليهات الموجودة في منتزه الخيران
في تقريري السابق عن الخيران ورحلتنا وكنا مأجرين الشاليه الوسط
في هذا التقرير
دخلنا المنتزه بدون دفع اي مبلغ ...لأن اسامينا مسجله
الشاليه تسجل عليه عشرة اشخاص بالغين
وكان عندهم خمسة فاضين سجلنا اسامينا معاهم
والسيارة لكل فيلا مسموح بثلاث سيارات .......الشاليهات العاديه سيارتين
والاستوديو سيارة وحدة فقط
استقبلني ولد اختي وبيده هذه ......ستار فيش وبيسوي لها
حوض تعيش فيه يقول حيه
الى البحر
الفلل فاضية ......كل الخيران فاضي لانه غير موسم العطل .....وبالجو البارد فما تلاقون ناس وايد
اما اي عطله ما تلاقون حجز الا قبلها يستة اشهر
وقعدة رومانسية ووناسة
انواع من الزهور
الهروب من البرد
الحين ندخل الشاليه
الصالة والدور الارضي
الغرفة الرئيسية
شايفين كبرها
ميز التواليت (التسريحه)...كما تسمونها
شايفين الشنطة الزرقا هني ممر تكرمون للحمام الرئيسي وهو داخل الغرفة
نسيت اصوره سامحونا
المطبخ التحضيري في الدور الاول
مجهز بطقم حليب وشاي لست اشخاص
تكرمون الحمام الثاني في الدور الاول خارج بين الغرفتين
وشايفين الباب الزجاجي للدش مفتوح
الحمام شوي صغير
تجهيز الماي للحلو حمادة بيسبح
الغرفة الثانية فوق
الغرفة الثالثة
وهذا الدرج يكون مقابل الغرفة الرئيسية
والمكواة جاهزة للكي
وهذا ويبين لكم المطبخ التحضيري وابواب الغرفة الرئيسية والثانيه وتكرمون الحمام
وهني تبين لكم الغرفة االثالثة وهي تقابل الثانية
يلا نرجع تحت
على اليسار غرفة الخدم
خزانه لهم والغرفة صغيرة بس زينه لهم خصوصية بكل شي
تكرمون حمام الخدم وشايفين الفوط باللون الاصفر وحتى الفرشات باللون الاصفر
علشان لا تختلط مع الشراشف البيضاء
وهذه الغرفة الرئيسية بالطابق الارضي
حلوة لكبار السن اللي ما يقدرون يصعدون السلالم
ولها بلكون على الحديقة
هذا باب الصالة اللي يطلع للخارج مع ان الشباك يفتح ايضا بالجر
بس للحفاظ على برودة الشالية ما نفتحها ونطلع دايماا من هذا الباب
وجود كراسي وطاولة في البلكون
البلكون له استخدامات متعددة منها تعليق ووضع اي شيئ عليه للتنشيف
تكرمون الحمام السفلي
الغرفة مافيها حمام داخلي
تلفزيون الصالة
هذه الجلسة من بلكونة الصالة
نرتاح شويه ونريحكم بعد
وصلنا المطبخ مع انه لازم يكون بالاول
لانه على يمين باب الدخول
فتحت لكم كل الكبتات ههه المطبخ مجهز لعدد 12 شخص
وهذه الثلاجة ببراد ثلج وماي
باب الشاليه ورقمنا
قواري اليهال طبعاا من البيت يايبينهم
بس في قواري تأجير نسووهم هذيل وعلى شكل سيارات فيراري بعد شي جديد
ومحد مل من التصوير غير حمادة ههه يقول بس لا تصوريني خالتي
يلا تفضلوا للعشا
مشويات وبورغر
شوفوا انعكاس الشاليهات الخاصة على البحر
The End
نشوفكم في مكان سياحي اخر بعد يومين ههه
عندي بس راحه يومين واحط ترقبوا