هلا فيك اخوي المسافر يشرفنا انضمامك لنا
انا كانت رحلتي السنه هذي النمسا ( زيلامسي - سالزبيرق) فرنسا ( باريس ) يعني نفس جدولك تقريبا
وبحاول اجاوب على بعض استفساراتك
بالنسبه للاماكن في زيلامسي بتلقاها بالتفصيل في ملف وورد من اعداد اخونا رجل شرقي صوره وخذه كدليل سياحي معاك لان معلوماته دقيقه وانا استفدت منه كثير
https://artravelers.com/p/re/104618
بالنسبه للفنادق في فنادق على البحيره مثل فندق القراند وفندق سي هوتيل
وفيه فنادق في منطقة المشأه مثل نيوبوست وهتزمان ( انا كان نفسي اسكن في فندق يطل على البحيره لكن لمن شفت منطقة المشأه حمدت الله اني ماحجزت على البحيره)
بالنسبه للسفر من زيلامسي لباريس افضل وسيله واوفر هي الخطوط الاقتصاديه الاوربيه للطيران من ميونخ لباريس تكلفة الرحله على خطوط برلين 370 ريال الزمن ساعه ونصف اما القطار حدود 10 ساعات ونفس السعر اذا ماكان اكثر

1. انا بصفتي زرت المنطقتين قبل اسبوعين بجاوب با اللي اعرفه

المسافر ..

انا بصفتي زرت المنطقتين قبل اسبوعين بجاوب با اللي اعرفه

اهم الاماكن بباريس برج ايفل ويورو ديزني ومتحف اللوفر وزيارة نهر السين وركوب المركب اللي يلف بك النهر وقصر فرساي و التسكع با الشانز (متع جدا)
اهم الاماكن بزالامسي قمة الكابرون وشلالات الكريمل ولازم تكون نشيط بقوه عشان تقدر ترقى الى اخر شي فوق لانها جدا متعبه خصوصا على النساء و الاطفال....الطيران الشراعي و الزحليقه الصيفيه اللي بسالفيلدين وطبعا القوارب الكهربائيه اللي با البحيره هذي خلها بعد الساعه 7 مساءا افضل واروق واركب المركب اللي عند الجراند
فندق كونكورد لافايت باريس بعيد شوي عن الشانز تقريبا مشي مسافة 13 الى 15 دقيقه الى ماتوصل الشانز يعني اذا انت تبي تسكن بوسط الشنز ابعد عنه لانك كل مره بياخذ منك التكسي لما تروح من الفندق الى الشانز 11 يورو وانت احسبها و فيه محطة مترو عنده اذا تبي تستخدم المترو (2 دقيقتين وانت بوسط الشانز) اذا حصلت بفندق شاتو فرونتناك او باورز او كاليفورنيا او نابيليون طب وانت مغمض لانهم مره قريبين من الشانز
من باريس الى زالامسي مره بعيد با القطار زي ماتفضلت الاخت اسراء لازم تخلي محطة بينهم تريح فيها او تجرب الطيران الاقتصادي وهو متعب لانك بتسافر من باريس الى ميونخ جوا وبعدها بتسافر من ميونخ الى زالامسي با القطار يعني شوي متعب بس طبعا اريح من انك تسافر من باريس الى زالامسي دايركت با القطار
با التوفيق