ملاهي براتر
بصراحة وجدت (ملاهي براتر بفيننا) من أجمل مدن الألعاب وأكثرها تخويفا وتشوقا في العالم، ومناسبة لكافة المستويات العمرية.
فاذا تعرف واحد يقول انه شجاع وقوي قوله: تعال معي ملاهي براتر بفيننا,
وانا والله احلف لك انه ليطلع من الملاهي وقلبة مشلوع....!!!!
اذكر اني وخويي ركبنا لعبة على شكل كورة زرقاء محمية بانواع المصدات ومعلقة بين عمودين وترتفع بك في السماء مسافة اكثر من 100م بسرعة عالية وتقعد تلف فيك.
بصراحة انا سويت نفسي قوي لأن هناك امامك كاميرا تصورك وتسجل جميع حركاتك من الانطلاق الى الوصول لحظة بلحظة وتعطيك اياه على Dvd أو Video بسعر 10يورو.
وسعر اللعبة 15يورو للشخص لخطورتها ويمكن هذي أغلى لعبة ركبتها في مدينة الملاهي الأكثر تشويقا واثارة.
وبصراحة والله لانبسطت فيها أكثر من الي يسمونها (ديزني لاند) قال: ايش قال:يبغى لها يوم يالله تخلصها.
وفوق ذلك ياخذون عليك 48 أو 52يورو للشخص مع أني حصلت ان أكثر الألعاب لاتناسب الا صغار السن.
اما ملاهي (براتر) لادخولية ولايحزنون ادفع على العبة اللي تبغى تلعبها وبس.
وكل أسعارها ما شاء الله مناسبة واكثرها بأقل من 5يورو.
واالي عجبني فيها زيادة / وجود المطاعم والكفيهات باسعار معقولة مو مثل الأسعار الجنونية والفضائية أسميها انا. حصلنا الكوكا كولا بديزني لاند 3.5يورو اللي كان عندنا ب2ر.س.
والله أعلم.............!!!!!!!!!!!!!!!!!