وش رايكم في هذا الفندق فتح 2009 شكله فخم بس مدري عن موقعه للي عنده خبرة
https://booking.boscolohotels.com/BOSCOLO/en/choose_room.html
وافضل وارخص طريقه للشحن من ميلان الى الرياض اثاث او ملابس

لا الله الا الله سبحانك اني كنت من الضالمين.......

هلا
اخوي بالنسبة للسكن الافضل دائما السكن في السنتر في الدوامو
او بالكثير قريب من محطة القطارات
بالنسبة للمطاعم كثيرة في موضوع مستقل عن المطاعم الايطالية لخبيرنا اطالينو ممتاز جدا
بالنسبة لاحسن طريقة للذهاب الى فينيسا القطار سهل وممتع
بس انا ما انصح بفينيسا بالبرد وخاصة الشهور الاولى من البرد
محلات الاثاث كثيرة بس افضلها اللي تكون وقت المعرض اللي يقام سنويا في مدينة ميلانو في شهر ابريل
بخصوص النقل في شركات هنا بالسعودية تتعمل مع شركات ايطالية ممكن تستفسر منهم من اسماء الشركات الموثوقه
هناك.....انا جربت شركة نسما للشحن وكانت ممتازة بنظري
الفنادق اللي انت ودك فيها ميزانيتك كم بالليلة ومتى بالضبط......الاسعار المناسبة تبدأ بحدود 1000 ريال بالليلة
الفندق اللي حطيتة ممتاز وموقعة بالسنتر....قريب من شارع مترونوبلي شارع الماركات
افضا طيران من الرياض......ماعندي خبر
انا دايم اجرب الامارتية ممتازة بس بالنسبة لك الافضل تجرب التركية لا باس بها او اللبنانية
وبالتوفيق

السلام عليكم اخوي ..........
في تساؤلاتك السابقه ماقصرت اختي الزعيمه والله يعطيها العافيه ..........
بالنسبه للخطوط من الرياض الخطوط السعوديه ودائما فيه عروض قبل سنه رحت ذهاب وعوده 900 ريال والمره السابقه 1000 ريال هو عادا عندهم الموسم الاغلى الصيف وشهر 1 وبدايه شهر 2 وشهر الربيع 4 ......
عندهم الضيافه 3 درجات .....
درجه التشجيعيه والارخص بس ماتقدر تاجل الرحلح او تغيرها او ترجع فلوسك ...
الثانيه اغلى بحدود 200ريال او اكثر شوي هذي تقدر تاجل الرحله بس ماتقدر ترجع فلوسك .........
الثالثه الاغلى بزياده 300 الى 500 ريال تقدر تاجل وتسترجع فلوسك ........
والخطوط حلوه لكن لاتقارن بالاماراتيه بس اكثر ماتشبه القطريه وميلان تعتبر قريبه 5 ساعات ونص من الرياض وانصحك بالسعوديه مباشره من الرياض -ميلان وفيه لروما ......وبالتوفيق ان شاء الله

الله يعطيكم العافيه جميعا طيب صحيح الي يقولون ان فينيسيا ماتصلح بالوقت الي انا ابرووحله ؟؟؟
وابي رقم شركه الشحن نسما لاهنتي
وسؤالي الاخير ماهي أأمن طريقه لذهاب لسيرفالي اوت لت اذا الي بيروح حريم لحالهم ؟؟

بالنسبه لسيرفالي *اعتقد فيه باصات سياحيه توصلك لانه كنا مستاجرين سياره بس الطريق هادي مره من وجهة نظري ماانصح ان الحريم يروحوا له لحالهم

بالنسبه للطيران ..
المصريه .. يمدحونها .. وميزتها رخيصه ..
الاتحاد .. ممتازة .. وسعرها اغلى من المصرية
الأماراتية .. ممتازة .. وتعتبر الأغلى .. لكن على مستوى !

جميع الخطوط هذه جربتها وخذ النتائج
التركية .. سيئة الا اذا غيروا نوعية الطائرات القديمة
الشرق الاوسط (اللبنانية ) .. لابأس بها وحليوة بس الطائرات قديمة
المصرية .. تأكد من نوعية الطيارة هل هي من الايرباص الجديدة ..بتكون رائعة
الاتحاد.. رائعة
الامارتية ..(شهادتي فيها مجروحة ) وهي الوحيدة دايركت الى فينيسيا
السعودية .. للاسف وماعليها .. بس ديراكت

فينيسيا
بالنسبة لي سافرت لها بشتاء وصيف
الشتاء .. بالنسبة لي رائع لاني احب الشتاء
الصيف .. عيبها حر وريحة البحر والباعوض بس زحمة ووناسة
لكن وقتك مو سيء و لايمنع انك ماتزورها المدينة الرائعة ..
توكل على الله ورح لها
وراح تنبسط ان شاء الله .. وبخصوص الفندق ياليت تفيدنا عن ميزانيتك عشان نقدرنختار لك الفندق الرائع والي بيناسب ميزانيتك