يسعد صباحك
ما عندي فكرة أبداً عن القطارات
بس الأفضل و الأمثل و الأكمل
أنك تستأجر سيارة لتكتمل المتعة
و الرائي رائيك
با التوفيق لك

أخي العزيز كل المدن التي ذكرتها موصوله بشبكة قطارات متطورة ,,,, فقط عندما تحجز السكن تأكد بانها قريبه من محطات القطارات حتى يتسنى لك الانتقال بحريه
على فكرة السيارة افضل بكثير وليس بها اي اشكاليه فقط اعقلها وتوكل.
رحله موفقه.

اخوي برنس .. مشكور
اخوي عماني مسافر .. ودي اعرف بصراحة يعني حجز القطار من هنا ولا اروح هناك واركب ، واحس المسافات بعيدة وأول مرة اسافر ، يعني صعب ولا لا ، بس القيادة بالنسبة لي صعبة ، واذا كانت برضو اللغة الانجليزية ليست بالدرجة الممتازة .. ساعدوني الله يخليكم

الرحلة بالقطارات بالنسبة لي ما افضلها ابدا لعدة اسباب :
أولا انك ملتزم بالمواعيد التزام تام
وثانيا تفوت عليك متعة الطريق والمناظر الحلوه
وثالثا اذا عندك شنط كثيرة ترى الشيل والحط متعب
ورابعا مرات يكون فيه تبديل قطارات وبالتالي لازم تعرف تروح الى الرصيف الصحيح وانته شال شنطك
لذلك السيارة هي الخيار الامثل (من وجهة نظري)
بامكانك اسئجار السيارة من ميونخ (وهي ارخص من النمسا وسويسرا) والذهاب بها الى سالزبورج
المسافه بتاخذ منك بالسيارة حوالي ساعه ونص
سالزبورج - زلامسي حوالي ساعه و23 دقيقة
زلامسي - انترلاكن حوالي 6ساعات
ومن انترلكن روح لجنيف وسلم السيارة بجينف واطلع بالطياران الاوروبي التجاري الى باريس
وانته اختار شو الانسب لك

لكم الشكر جميعا ،، اسعدتموني حفظكم الله ، ونولكم كل الخير

السلام عليكم
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
نصيحه الغالي ..اجر سياره وراح ترتاح من القطارات ومواقيتها وسحب الشناط بروحها مشكله !!
والسواقه عندهم اسهل من عندنا بألف مره ..كل المطلوب انك اتعلم على القارمن وبس ..
وباقي الامور كلها بتصير سهله ..
اموفق الغالي والله ايبارك لكم في العرس ويجمعكم على طاعته ..

تسلم طال عمرك ويعطيك ألف عافية
بيض الله وجهك