حياك الله ياخوي بالكويت بالنسبه لسوق المباركيه بعد ماتطلع من الفندق اخذ خط البحر الى ان تصل الى دوار قصر السيف تاخذ يسار وبعدها تعدي الاشارة وتلف على اليمين بعد البنك التجاري وتكون دشيت منطقة المباركية
ومطعم فريج صويلح اكله حلو بس لاتروح بالويك اند حده زحمه وعندك بعد مطعم الستينات بحولي مقابل مجمع بيروت اكل كويتي بعد وحلو وزحمته اخف من فريج صويلح
واي استفسار ثاني حاضرين

صاحب الكامري
..
بغيت منكم بعض الخدمات لا حرمكم الله الاجر والمثوبة .............
ودي أعرف وصف الطريق من الفندق إلى سوق المباركية وأنا معي جهاز الجي بي اس لكنه ما طلع لي سوق المباركية يعني لو قلتوا لي سوق المباركية في أي شارع أكون لكم من الشاكرين .................
وهل تنصحون بمطعم فريج صويلح ومتى الوقت المناسب للغداء فيه اللي ما يكون فيه زحمة وهل هو قريب من مجمع المارينا مول ........................
هذا ما لدي وشكراً جزيل الشكر وأسأل الله بمنه وكرمه أن لا يحرمكم الأجر والمثوبة إنه ولي ذلك والقادر عليه ................................
شوف اخوي فندق ساس اذا طلعت اول اشاره اخذها يسار تدخل الرميثيه تكمل الشارع كله سيده تييلك اشاره اخذ يمين
هذا الشارع يسمونه طريق الفحيحيل هو خط سريع تكمل كله سيده تطوف كل المناطق ( الرميثيه والسالميه والشعب والبنيد القار ) ليما تشوف يمينك فندق كونتانيتال وتشوف عاد جدامك كله ابراج ومجمعات يديده انت هني بالديره وبوسط المباركيه
وفريج صويلح يم المرينا بالضبط بينه وبينالمرينا مجمع واحد اللي هو ماركس وسبنسر
والغدا روح اي يوم بايام الاسبوع اتوقع اقل زحمه
واي استفسار ثاني احنا بالخدمه
وتنور الدريه بوجودكم وان شاءالله تستمتعون بسفرتكم