%ام فيصل%
اهلين اخواني / اخواتي المسافرون
كيفكم ان شالله تمام

حياكم الله بالكويت
بالنسبه للتقليد والحلويات الكويتيه موجودين بسوق المباركيه
وموفقين

حياج الله في بلدج الثاني الكويت وام بدر ماقصرت كفت ووفت

حياكم الله بتنورون بلادنا

هلا فيج اختي و كل اللي حابين يزورون بلدهم الثاني الكويت
اذا تحبين الاشياء التراثيه ( حلويات - لبس - و وايد اشياء ) عندج سوق المباركية
اذا تحبين جناط تقليد ( سوق السالميه مجمع انفال / الفروانيه مجمع مبارك الصيفي )
بالنسبه للملابس عندج الافنيوز
رحله موفقه ان شاء الله

في محل روعه للحلويات الكويتيه اسمه محل صافي موجود في منطقه النزهه او تقدرون تروحون لمحله اليديد في السالميه في مجمع السوق الاحمر مال المعلم وسيتي سنتر بالنسبه للصالونات اعتقد صالون الهام مسكر من فتره بس تقدرين تشوفين مجله ممتاز بتلاقين فيها ارقي الصالونات الكويتيه اللبس الكويتي بتلاقينه في سوق المباركيه
ام الرهش الكويتي احلا محل بالكويت اهوا محل الكواكب مقابل البلوكات في المباركية

بالنسبه للسكن في سارة بلازا خلف الفنار يسكنون فيه اغلب العوايل الخليجيه وقريب من السوق وفي بودل بشارع المطاعم