اهلا عيوني
تجي بالسلامة
بما انو الوصول رح يكون بالليل
لو كنت ساكن ببيروت عشية نزل عالسوليدير سهر وتاني يوم الصبح بلش برنامجك
1- خلي اليوم الأول على مغارة جعيتا والتلفريك وحريصا وجونية وتغدى بمطعم مانويلا
وعشية سهر بأوتار او طلع على عاليه سهر
2- باليوم التاني طلع على بيت الدين وقلعة موسى وكمل على جزين وعلى صيدا لو حابب تتسوق زور سوق صيدا وتغدى بمطعم الحان وتحلى من عند الباب ونزل على بيروت ولو حابب تتعشى طلع على مطعم منير او الجنة او برج الحمام ببرمانا ومنو بتكمل السهر هونيك على برود
3- باليوم التالت طلع على نبع الصفا والباروك هونيك في منتزهات ومطاعم كتيرة وبعدين كمل نزل على بحمدون وعاليه
4- باليوم الرابع لو حابب تتسوق روح على ال abc والبايروت مول والستي سنتر وكمان روح على سوق برج حمود وسوق الزلقا او لو بدك خليا الصبح نزلة عالبحر على مسبح الجسر او السان جورج او الموفنبيك او الريفييرا وبعد الظهر تغدى بمطعم السلطان ابراهيم ولو حابب تسهر بالسوليدر او تطلع على عاليه او برمانا
بالتوفيق ان شاء الله كون قدرت افدتك
ولو محتاج تستأجر سيارة هالموقع ممكن يساعدك كتير
موقع نادر لبنان http://www.naderlebanon.com
بالتوفيق واي خدمة حاضرين

اهلا وسهلا الاماكن اللي ذكرتها اختي عبير لبنان منيحة على قولهم وازيد ان حبيت تطلع على البقاع مشوار كتير حلو وامروأ على زحلة والنهر فيها قعدته حلوة وخدلك فواكهة واركيلة وبعدا اطلع لعنجر وشملك شوية هوى واتغدا بمطعم شمس من الذ المطاعم بلبنان وسعرة معقول ولا تنسى تطلب هبرة نية ع الجرن

الف الف الف شكر لكم اخواني عبير لبنان وامشعل الأحمدي ...
كفيتوا ووفيتوا يارب يجزاكم الجنة ,
ونشوفكم ببيروت ان شاء الله الأربعاء القادم

البعض من السياح الخليجين تراهم للاسف يقضون معظم وقتهم في ( الاستعراض ) والترزز وتفحص الرايح والجاي في اللوبي لبعض الفنادق او في مقاهي السوليدير او الجبل والمشي ذهابا وايابا صباحا و مساء في نفس المكان ,, و من خلال منتداكم وانا اشهد على ذلك من تجربه استفدت من كثير من المعلومات وتصححت عندي كثير من مفاهيم السياحه , والتي ارجو يشمل تصحيح هذه المفاهيم والممارسات لكثير من السياح من من خلال منتداكم الكريم شاكرا لجميع القائمين عليه مشرفين واعضاء ودمتم بخير

لا شكر على واجب
بالتوفيق ان شاء الله
الله ييسر أمرك