همس السراب
22-10-2022 - 04:46 am
مساكم الله بالخير
انا ان شاء الله زواجي بالصيف... وناوي اطلع الشرقية ... وودي امر عالبحرين وودي ببرنامج يومين لو سمحتوا ياهل البحرين..مع العلم اني اول مرة بروح لها...
وفيه شغلة ثانية سمعت انه فيه بحرينيين يترصدون للسعوديين يمكن انتم سامعين بهالقصة من فترة؟ ممكن تطمنوني؟؟
بانتظار ردوردكم
بالنسبة للبحرينيين الي يترصدون للسعوديين . انا ماقط سمعت عن هذي الشي وتطمن, وان شاء الله الاعضاء ايفيدونك اذا في شي...
بالنسبة للبرنامج اخوي يعتمد عليك .. يعني انتوا معاريس هل تبون اماكن اثرية او سياحية ...
الاماكن السياحية :
محمية العرين ...
جزر حوار ... اعتقد راح اتكون مفتوحة في الصيف ..
جزر الدار ( اتروح وترجع في نفس الوقت بس حزر حوار أحلى )
متحف البحرين الوطني ( حلو ويستاهل الزيارة )
بيت القرآن
الاماكن الي تستاهل الزيارة ( مطاعم )
انصحك انك اتروح منتجع بنيان تري للعشاء ( المكان جدا رومانسي ويصلح للمعاريس )
طبعا المجمعات :
مجمع السيتي سنتر ( أكبر واأحدث مجمع في البحرين وراح تفتح أكبر حديقة مائية داخل مجمع في الشرق الاوسط وأكبر سينما في الشرق الاوسط كلهم في الصيف)
مجمع السيف :
مجمع حلو ويعتبر في المركز الثاني من بعد السيتي سنتر ويستاهل الزيارة.
مجمع مودا مول:
مجمع جدا راقي والمحلات الي فيه كلها ماركات وحلو انك اتمر عليه.
وكل التوفيق لك ان شاء الله في رحلتك ... وتقدر اتشوف تقارير الاعضاء لمعرفة المزيد من الاماكن...
والي سمعته ان ارح ايصير مهرجان كبير للتراث والثقافة في الصيف لكن للحين لم يتم الافصاح عن التفاصيل.
ومنك المال ومنها العيال ... والله يرزقكم يالذرية الصالحة ان شاء الله ...