السلام عليكم جميعا شباب وصبايا
غلطت ووعدت ام العيال بسفره الي اوروبا وتورطت بقوه ههه امزح
بصراحه المنتدى رهيب وفيه من المعلومات والتقارير اللي تحسسك انك سافرت وانت جالس في بيتك
من حلاوه والتقارير من الاعضاء
بصراحه صار لي اسبوع ادخل معدل 3 ال 5 ساعات يوميا اتابع تقارير واستفسارات الاعضاء
احس اني من كثرت ما قريت خلاص (استدلخت ماني عارف من وين ابدا)
النية ان شاء الله اني بسافر في شهر 7 ميلادي لمدة 21 يوم تقريبا
المسافرون انا وزوجتي والبنات (الكبيره عمرها 3 سنوات والصغيره سنه)
ان شاء الله سوف استأجر سياره لحبي للقياده في اجواء الطبيعه ولمعرفتي ببناتي والله يصلحهم وحركاتهم
الاستفسارات:
هل احجز تذاكر الطيران الي المانيا او النمسا
سمعت ان في النمسا شقق واكواخ في قلب الطبيعه (قدر الضغط وكيس رز المهيدب وشاهي ربيع تلقيمه عندي اهم من الملابس)
سمعت ان تأجير سيارة من المانيا ارخص واوفر
هل القدوم مثلا الي المانيا والمغادره من سويسرا مثلا مجديه اقتصاديا
تصدقون قبل ما ابدا في الموضوع كان عندي اكثر من 20 سؤال (مع الكتابه طارو من المخيخ) ههه
شكلها رهبة الكاميرا خ
اشكر طولة بالكم علي