حبيت أعرض لكم صور فندق نوفيتيل البرج الجزيرة
الموقع جزيرة الزمالك - القاهرة
الفندق مقيمينه 4 ستار بس بالنسبة للمبنى والريسبشن اكيد لا
الفندق اللي سمعته كان نقابة المعلمين وتم تجديدة من سنتين
الغرف انتو حكموا من الصور بس بالنسبة لي كانت نظيفه والله يعزكم الحمام بعد كان نظيف
نسيت اصور اللوبي ( الريسبشن ) بس الغرف اهم شي
الفندق 7 طوابق في غرف مطلة على البحر وغرف سيتي في مطعم آخر طابق مع جم وجاكوزي والطابق الاول مطعم مفتوح مطل على النيل حلو مع شاشة تلفزيون كبيره وتقدر تشيش
الفندق يشددون وايد على الناحية الأمنية وبصراحة ما في زحمة وايد مثل هيلتون رمسيس هادئ ومنطقته هادئة
يقع الفندق بجانب الاوبرا يعني تروح الاوبرا مشي اذا عندهم عرض ما ياخذ دقيقتين وبالضبط مقابل لكوبري قصر النيل وطبعا بالمشي ما يحتاج سيارة عندك المراكب النيلية الثابته البلو نايل السرايا الباشا كلهم جنبك
وفي تحت عند الفندق عدد 2 كشك اذا بغيت ماء او حاجات خفيفة وكردت تعبئة
وتقدر تمشي شوي وتوصل لكوبري التحرير ما في تعب وتقطع الكوبري وانت عند مجمع هيلتون رمسيس
السعر : حجزنا عن طريق النت وكلفنا في حدود 300 دينار لمدة 7 ايام 6 ليالي مطل على النيل ( اهم شي مطل على النيل يسوى المبلغ الزيادة ) بدون افطار
اذا سالتوني هل ترجعين الفندق مرة ثانية اكيد 100% وبدون شك
على فكرة تحصل تاكسي بسهوله جدا اللي بعداد وبدون عداد
اترككم مع الصور وحاضرة لأي استفسار
وهذي نظرة من الشباك من الطابق السابع من غرفتنا
مع أطيب تحياتي ،،،
بس طمنوني الصور طالعة او لا ؟؟؟؟