انا بنصحك بشئ
بس على شرط ابيك تدعي لي
ههه
فيه شقق فندقيه روعه اسمها سمرست في منطقه الفاتح.. جديده مره ونظيفه... سكنت فيها من شهرين انا وزوجي.. كانت عباره عن حمامين الله يكرمك ومطبخ وصاله وغرفه نوم... والسعر كان بحدود 800
ويجي معه افطار... بس ترا افطارهم مره بسيط يعني مو فخم ابداً
بس الفندق زين واثاثه حلو... وحمامهم فيه جاكوزي ...وفيه كيبل ودي اس ال.. والمطبخ مجهز بكل شي... وعموماً ترا الفندق تابع لشركه اسكوت البريطانيه اللي عندها الاف الفنادق حول العالم

Mrs_albrahim
تستاهلين ادعيلج
الله يوفقج ونورلج دربج
ومشكوره على هذا الفندق وراح احاول ادور سايتهم واشوف الصور

انا امس وصلت البحرين مع الاهل واعتقد اذا فكرت ازور البحرين مره ثانية راح اجي بطياره لان اخوانا السعوديين سامحهم الله عيفونا السفرة وخاصة اليهال وياك وطالع الفجر من دبي والطريق طوس وغبار والاخوان في مركز الجسر لاتنظيم ولا هم يحزنون ونحن حاليا في القرن21 علي كل حال انا انصح اللي يزور البحرين يسكن في شقق اسمها ايليت بفاليون ( Elite Pavilion بصراحه قمه في الفخامه وموقف سيارات مؤمن وتحت الحراسة والشقه غرفتين و3 حمامات اعزكم الله ومطبخ كبير وكامل من كل اللي يخطر ببالك وصالة وطاولة طعام ونظام ترفيهي وانترنت والاحلي السعر 700 درهم او ريال يعني 70 دينار بحريني
اسف علي الاطالة بس اتمني افدت وعنوانهم الجفير والويب سايت مالهم http://www.elitegroup4u.com
والسموحه من الاخوة السعوديين

اشاركك الراي في زحمة الجسر

معلومات جميلة حصلنا عليها
والسموحه ماقدرت افيدك لاني انا مثلك اريد اروحها وما اعرف شيء

aljallaf
الحمد الله على السلامه اخى aljallaf
ومشكور على المعلومات القيمه وانا عموما ما احب اسافر بالسياره احب الطياره اسهل وانظف
شكرا اخى
مزيعل
عاشق الخيل
على المرور