السلام عليكم
لكل بلد او شعب عاداته وطبائع يختص بها عن غيره , فما نراه نحن عاديا قد يراه الغير غريبا وما نراه غريبا فهو على العكس من ذلك لدى غيرنا , ومشاركتي هذه تنطلق من هذا المبدأ
بداية سوف اذكر لكم ما بعض المعلومات الجديدة التي لم اعلم بها الا بعد زيارتي للمغرب , وارجو من الجميع الافادة بما لديهم من معلومات
اول شي يستغربه الزائر للمغرب كما تعلمون هي العافية فمعناها لدينا يختلف جذريا عنه في المغرب .
بالنسبة للاكل , الفول عندنا له احترامه وتقديره لكن في المغرب وهذا ما اكتشفته صدفة قبل ايام انهم ما يأكلون الفول بل هو غذاء للمواشي ( دمار ) ,اما الطماط ( المطيشة ) لاتخافون ياكلونه لكن مطبوخ يعني لو يشوفونك تاكله لوحده ( نيء ) مثل بعضنا كان انواع الضحك وقرب يا ولد شف هالخبل وش يسوي واللي ما يشتري يتفرج ( معلومات الاكل سمعت عنها ما شفتها لا احد ينقل عني )
تبون الصراحة اكثر شي تحسفت عليه الالف ريال اللي دفعتها زيادة عفش علشان قواطي الفول اللي بالعزبة وانواع الفطور كل يوم فول والجماعة ( ) ما ياكلون من الفول بس انا وسعابيلي تقاطر ومبسوط واخرتها ؟؟؟ والله الفشيلة وشلون ارجع مرة ثانية لذيك الديرة الظاهر شهرتي غطت على الملك وانا ما ادري .
وكله كوم والهدرة ديالهم كوم لا قعد الواحد منهم يكلمك على انك بنت انواع الاحراج كل هالشنبات واخرتها فهمتي و رحتي و جيتي يا خوي يابو الشباب ( قبيلك) ذكر و الرجال مدرعم ماش ما حولك احد الشكوى لله .
للمعلومية ليس القصد من هذا الموضوع الانتقاد او الاستهزاء بأحد بقدر ما هو سرد لعادات يراها اهلها عادية ونعتبرها غريبة او طريفة نوعا ما ,ارجو اثراء الموضوع بالمزيد من المعلومات اللي صادفتوها او سمعتو عنها .
قبل ما اروح تذكرت التسعة يسمونها ( تسعود ) ياخي ماادري ليش احس بلذة للكلمة هاذي ويا كثر ماسألت عن الساعة بالوقت هذا بالذات
س - يا ... كم الساعة
ج - ... تسعود ( الله احس براحة نفسية )
وبعد نص ساعة
س - يا ... كم الساعة الحين
ج - ... تسعود ونص ( يا سلام احس براحة معنوية )