السلام عليكم و رحمة الله و بركاته
شلونكم ؟
الاثنين اللي طاف رحت انا و رفيجتي للافينيوز ...و تغدينا في مطعم ماكي الياباني
طبعا هذي ثاني تجربه لي بالاكل الياباني ..... كنت خايفه لانه أول تجربه كانت في مطعم ساكورا الياباني اللي في قندق كراون بلازا ... كانت تجربه فاشله لاننا طلبنا سوشي و ربيان طلع ني :112:
المهم ... قلت اعطي الاكل الياباني فرصه ثانيه
و شفت تقرير لاختي هوني مونر ... تمدح اكل المطعم
ف قلت لرفيجتي شرايج نجرب ياباني ؟ قالت يالله انا ولا مره جربته
قعدت ادعي انه يعجبني و يعجبها
قبل يجيبون الاكل قالت لي : متى جربتيه؟
قلت: ما جربته
قالت: شدراج انه المطعم اكله زين؟
قلت: ب منتدانا كاتبين عنه
عصبت و قالت : انتي ما جربتي الاكل الياباني من قبل و جايبتني اجرب معاج ... افرضي مو حلو
قلت : بلى جربته مره
قالت: صج؟
قلت : ايه جربته و كان ني و طلعت من المطعم و انا ما اكلته
شوي و تبجي و خافت من قبل تذوق الاكل
لكن الحمدلله طلع الاكل زين ....
الصراحه مو حيل عجبني ... يعني وسط
لكن الربيان عجب زوجي حيل
و السلطه المشويه اللي مع اللحم عجبت رفيجتي
و اللحين أخليكم مع صور المنيو و الطلبات:
ملاحظه : هذي الصور مو لكل المنيو ... المنيو أوراقه واجد و ما قدرت اصوره كله ... تعبت و كله انجليزي ... يعني مو فاهمه منه شي
حتى لما جتنا الجرسونه تتكلم انجليزي قلت لها بالانجليزي ابي جرسون عربي
جاني لبناني .... قلت ابي اكل مطبوخ و حلو
قال لي .... ربيان بالقسماط عليه صوص و لحم مشوي
قلت اوكي خلينا نجربه
دقيت على زوجي قلت له اجيب لك معاي؟
قال جربي الاكل و اذا حلو جيبي لي ربيان
و الحمدلله طلع زين و جبت له معاي للبيت
الصور:

المنيو:

ديكور المطعم ::

شوفوا المطعم و الجرسونات:

الطلبات:
عصير برتقال + ليمون :

الربيان بالبقسماط:

اللحم المشوي:

3 أنواع صلصة تجي مع اللحم:

الحساب: 18 دينار

اللي طلبناه : عصير ليمون و عصير برتقال و صحن لحم مشوي و صحنينين ربيان ب بقسماط ( واحد اكلناه و واحد اخذناه البيت) طلع ب 18 دينار
غالي صح