اللي اعرفه في سوق المباركيه
في كثير من محلات الغتر
عاد افتر هناك واختار اللي يعجبك

الغتر ب سوق المباركيه
بس الصراحه ماعرف شسم المحلات او الماركات

أحلى كيميائية
ياهلا وغلا بمشرفتنا الغالية وأتشرف بحضورك في موضوعي ، أما من ناحية بفتر والله بفتر لين يفر راسي مافيها كلام هذي أمس وصيت صديق لي كويتي رحمته ياناس من العصر حتى قفل السوق بالليل وهو يلف بالمباركية محل محل نخلها نخل أغلى غترة حصلها بسعر 16 دينار بعد الخصم والمكاسر ويقول مو ذاك الزود معقولة ما ألاقي مطلوبي بالكويت . يبيله تمشي قريبا بإذن الله .

سعودي أوكيه
أتمنى تساعدوني يا أخوان أنا قريب قادم للكويت وسأقيم 15 يوم ، فأريد غترة بيضاء عالية المستوى مو مهم السعر حتى لو قيمتها مائة دينار كويتي ماعندي مشكلة أريد مثل اللي يلبسونها الشيوخ بالكويت والوزراء لأن واحد موصيني عليها وأنا في رمضان كنت بالكويت ومريت كذا سوق ومنها محل السعيد بسوق المباركية وكذا محل وكذلك بعض المجمعات الكبيرة فلم أجد مطلوبي . أتمنى تساعدوني يا أخوة الله يبارك فيكم وياليت تذكرون أسماء الغتر .
حبيبي حياك الله بالكويت بس عاد غترة مثل الى يلبسونها الشيوخ !! المهم دنهل ممتازة حيل ولمعتها روعه عندي غتره من 2001 والله كانها جديده , صج الجديد الحين كله صيني بس تبقى دنهل روعه ويمكن تحصلها على 20 دينار باي محل غتر وحتى بالسعودية يمكن تحصلها على 300 ريال او 280 ريال وخذلك خام دشداشة دنهل على 60 او 70 دينار ويبقى لك شغله وفصل لك عقال من محل عاقول الى قبال مجمع دسمان ويبقى لك شغله وحده تدرى شنهو ؟
ههه يبقى لك عروس ههه

يا جماعة الخير عطونا شي غير دنهل؟؟
عاد اهل الكويت هم اهل الكشخة بالغتر

سعيد للغتر والبشوت الي في سوق المباركيه عنده غتر من 15 وانت صاعد
بس الي غتر غاليه شتويه وصوف ليست بيضاء
روحله وقوله طلعلي اغله غتره عندكم وبيضبطك
وعنده غتر للشتاء عجيبين وحلوين

أخ poor_man قصدك محلات السعيد للملابس والبشوت اللي في شارع سعود بن عبدالعزيز بالمباركية ولا غيره تكفى عطني الوصف لأن العمل اليوم وافقو على إجازتي يمكن الخميس وانا عندكم .