أخواني واخواتي اعضاء هذا المنتدى الراائع....
أنا الصراحه من زماان كنت ادخل المنتدى واشوف تقاريركم المميزه
واللي تخلي كل من يشووفها فالبداايه يكون هذا شعاره********> روعه الصوور ابي ارووح لهالبلد
وبعدين يكون انطباعه الأول والأخير********>>> تقرير فنآآن ^_^
وانا للأماانه استفدت كثير من التقارير والصور والمعلومات اللي كنت اقراها عن كل بلد
فألف شكر لكم ودمتم بصحه وعافيه********>خلصينآآ
المهم
ماأطول عليكم
راح اكتب تقرير بسيط عن رحلتي المميزه للنمسا الأرض الساحره بجمالها
طبعا مخطط رحلتنا كان الدوحه فيينا سالزبورغ زيلامسي ميونخ فيينا الدوحه
على متن الخطوط الجويه القطريه
كانت السفره بتاريخ 21 / 7 / 2007 في تمام الساعه 1 وربع فجرا اقلعت الطائره متوجهه لفيينا
وكانت مده الرحله خمس ساعات وعشرون دقيقة ..
ادري انكم مستغربين كانت الرحله السنه اللي طافت..ليش نزلتها الحين موبوقتها
تصدقوون حتى انا اسأل نفسي نفس السؤال....سبحان الله@@
وهذي كاميرتي المستخدمه بحثت في النت ولقيتها
ووصلني تهديد من امي لو ما استغيت عنها بتكسرها على راسي ههه
لاني جننتهم طوول الوقت تصوير
حتى عيال اختي الصغار تعودوا من يشوفون شي يركضوون لي تعالي صوري شفنا شي (( عيال خالتي سعود 7 سنوات وامنه 4 سنوات ونص )) واكيد بتشوفونهم في كذا صوره
>> يرزوون نفسهم في كل شي
ادري طولت عليكم
وصلنا مطار فيينا وكانت الاجراءات سهله والحمد لله .. وبعدها اخذنا تاكسي ورحنا فندق راديسون ساس
كان بوسط فيينا مقابل حديقة شتاد بارك حديقه كبيره وحلووه
وهذي صورة مدخل الفندق
قلت لكم بتشوفون عيال أختي بمعظم الصور رازين نفسهم :11ccer:
وهذه غرفتي انا وامي الله يعطيها العافيه
بعد ماوصلنا ريحناا شوي ونمت لاني طوول الرحلة مانمت كانت قاعده جنبي وحده باين انها راكبه الطياره وهي شبعانه نووم وطول الرحلة تسوولف وتكلم ماشاء الله عليها فماعطتني فرصه انام ولا دقيقه
بعدها رحنا الاستقبال وطلبنا منهم خريطة الاماكن السياحيه بفيينا اخذناها وعرفنا منهم ان معظم الاماكن تقفل الساعه 6 مساء ً!!!! مع ان الشمس عندهم ماتغيب غير الساعه 10 إلا ربع تقريبا !!
المهم قلنا نروح حديقة شتاد بارك الي مقابله للفندق .. وهي كبيره وفيها اجمل شي البط
وهذا الطريق للحديقه
فضوولي آآخر :112:
وهذا ممر خاص بالسياكل وانا داخلة عرض اصور ^_^
وهذه بحيره الحديقه وفيها البط الي لين آخر يوم لي وصل وزنهم 99 كيلو خ ((فاضيه قاعده أأكلهم))
والحمام عنندهم الييف مومثل اللي عندنا مايقارب@@
و قروب من شرق اسيا قاعدين يصورون عند التمثال الي مطلي بالذهب فصورتهم
فا اصل ونواصل......تعبت:55654: