وعليكم السلام ورحمة الله وبركاته
حياك الله اخوي سلطان في جدة ، بخصوص عنوان كلية عفت وانت جاي من خط الحرمين كانك متجه الى مكة المكرمة الى ان تصل قبل الكبري بشوي اتجه يمينك الى طريق مكة النازل المتجه الى وسط جدة وخلك على طول الى تجد فندق هوليدي ان على يمينك وعنده اشارة مرور وامامك كبري الملك خالد يرحمه الله اتجه من تحت الكبري يسار الى جنوب شارع الملك خالد كانك متجه الى ميناء جدة الاسلامي واول اشارة تجدها يكون على يمينك ملعب كرة قدم ترابي وعلى يسارك بعد الاشارة شوي مسجد قصر خزام سوي يوتيرن رجعه لفندق الهوليدي ان و قبل طلعة الكبري بحوالي مائتين او مائة وخمسين متر حاول تخش يمين وراح تشاهد برج مياه جدة كلية عفت خلف هذا البرج تقريبا هذا موقعها المنطقه تسمى منطقة قصر خزام والله يسهل امرك

الأخ travelonce ما قصر وأنا بأعطيك طريق ثاني
1) تمسك الخط السريع ( طريق الحرمين ) حتى كوبري ولي العهد ..
2) تمسك شارع ولي العهد وتعدي إشارتين وتتجه للدوار الكبير
3) تعدّي الدوّار وتوقف عند الإشارة المتجهة يسار ( لأن الإشارة كبيرة
فيه جزء يتجه للأمام وفيه جزء يتجه لليسار )
4) بعد ما تتجه يسار إستمر حتى تجيك إشارة , خليها وروح من قبلها
يمين .. حتلاقي ناس كثير معاك رايحين يمين ..
5) إستمر حتى تلاقي إشارة وقدامها الطائرة ( طائرة برتقالية قديمة )
وعلى يسارك معسكر للجيش أو شئ زي كذا وعلى يمينك طريق يودي
مبنى الحجاج الماليزيين أو شئ قريب من كذا .. وفيه محطة ..
6 ) روح مع الإشارة للأمام بحيث إن المحطة بتكون على يمينك وأمشي
ألين يجيك كوبري صغير خليه لا تطلع منه .. روح يمين ووقف عند الإشارة ..
7 ) بيكون على يمينك محلات بطاريات وشئ زي كذا لأنك الحين أصبحت
في كيلو 2 وعلى يسارك فندق هوليدي إن
8) مع الإشارة روح يسار وأدخل مع أول خدمة يمين .. وروح يمين برضوا
حتلاقي كلية عفت قدامك
إن شاء الله ما ضيعتك لأني حاولت أبسّط الوصف قد ما أقدر وآسف
والله على التقصير

طيب حبايبي لو حبيت اجي من طريق المدينة ومن وسط جدة يعني .. بعد ما اعدي كوبري حراء وكوبري قريش اسيد وبعدين وين اروح الله يحفظكم

وينكم يالجداوية بليز (:

تعدي كباري حراء وقريش وصاري والتحلية بعد مسافة متوسطة يصير طريق المدينة اتجاه واحد استمر فيه حتى اشارة طريق الملك عبدالله (على يسارك كنتاكي) ..
روح مع الاشارة يسار وخليك في الخدمة حتى دوار الستين مع طريق الملك عبدالله اللي فوقه كوبري .. مع الدوار ادخل يمين واطلع الكوبري الكبير اللي راح يجيك بعد مسافة قصيرة ..
في الكوبري أخرج من مخرج طريق مكة .. مع اشارة طريق مكة (الاشارة الاولى) ادخل يسار .. حتجيك اشارة تحت كوبري أول ماتعديها حتشوف الهوليداي ان على يسارك .. أول اشارة بعد الفندق ادخل يمين راح تلاقي كلية عفت على يمينك ..
بالتوفيق ..