حياك اخوي ..
بالنسبة لتقسيم الايام ارى انك تقسم كالاتي :
ميونيخ - ليلتين ( 18/8 - 20/8 )
زيلامسي - 6 ليال ( 20/8 - 26/8 )
سالزبورغ - 3 ليال ( 26/8 - 29 /8 )
ميونخ - 3 ليال ( 29/8 - 1/9 ) خصص يوم للذهب لقارمش
طبعا اذا حبيت تروح لفيينا برغم انها راح تكون بعيدة شوي خاصة ان عودتك من ميونيخ
فراح يكون ترتيب ثاني ( طبعا ذلك يعتمد وش اللي تحبونه في السفر الطبيعة والاسترخاء او صحب المدينة والاسواق)
بالنسبة للسيارة قد تكون ضرورية لحرية التنقل لاي مكان في اي وقت
وهي نصف المتعة الصراحة ..
رحلة سعيدة وموفقة يارب

اولا يعطيك العافية اخووي على الرد
ثانيا اكيد لازم نزور فيينا عالاقل يومين لاني سمعت انها تكفي
وطبعا السفر اولا للطبيعة الخلابة والاسترخاء في الريف النمساوي واخر شي للتسوق
وغير هذا اريد اعرف عن الفنادق او الشقق اللي هناك وعن استئجار السيارة

هلا اخوي اولا الوصول لميونخ للراحه يمكن الحجز في فندق كرافت او ميريديان لقربهم من المارين بلاتز و المحطة الرئيسيه هابتانهوف و بعدها استئجار سياره من المحطة الرئيسيه و الذهاب لسالزبورغ تكفيها 3 ليالي و بعدها فيينا ليلتين و بعدها زيلامسي و الافضل المكوث في كابرون فهي احلى و اروع و بالنسبه للسكن سكنت مكانين ما عجبوني و ناويه اسكن في فندق توني او انطونيوس هذا توه فاتحينه جديد و تقدر تشوف تقارير الاعضاء و تختار السكن و بعدها تروح لفيينا بالسياره تقريبا اربع ساعات لكن الطريق رائع جدا و الخضره على يمينك و يسارك و طبعا غير عن طريق السلع و يفضل الانطلاق في الصباح الباكر لتفادي الازدحام و الظلام و السكن في فيينا بالقرب من ساحة ستيفانز او ماريا هلفر و بعدها العودة لكابرون و منها لميونخ و استئجار السياره مريح جدا و خاصة لديكم رضيعه الله يحفظها متى ما اردت الوقوف تقف في اي مكان و حاضرين لاي استفسارات اخرى

عاد كله ولا طريق السلع ههه
ع العموم اختي اشكرج على اسامي الفنادق وراح ادخل بوكنج واشوف الحجوزات
بس عندي سؤال الاكواخ الريفية وين بحصلها هل ف كابرون ولا زيلامسي

bufajr
الاكواخ اكيد تلقاها في كابرون اما زيلامسي فهي شبه مدينه يعني زحمه و سيارات و قطارات بس كابرون طبيعه ساحرة و اجوائها غير تتمشى فيها اي وقت مثل ما كنت اسوي اذا تعب ابونا خذت اليهال و تمشيت بروحي وياهم اي وقت في الليل او الفجر بصراحه امان
و المسافه بين زيلامسي و كابرون خمس دقائق بالسياره