اخي العزيز
سنزوركم من البحرين
بس من خلال اطلاعي على المواضيع في المنتدى شفت ان الاخوان ذاكرين ان في شقق تبدا اسعارها من 12 ريال؟ هل هذا صحيح؟ هل ممكن تزويدنا بالاسماء والارقام؟
ومافيها مشكله لو كانت اغلى شوي بس مو كثير كثير وتكون نظيفه طبعا
ياليت بعد تخبرنا انسب منطقه للسكن يعني اسم الشارع اللي الواحد يكون ساكن فيه ويكون كل شي حواليه؟.؟؟.؟؟
لكم جزيل الشكر

ممكن تخدمني ..... أخوك فيصل من السعودية
أنا أبغى أسافر لصلالة إنشاء الله بعد 25/7/2009م
ويش أحسن الفنادق أو الشقق الفخمة
وهل نجي لصلالة كشاته أو نسكن في فنادق
وكم المسافة بين الرياض وصلالة .... معلومات أكيده
الله يطول بعمرك
وأي خدمة من الرياض قبل لا نجي
حنا حاظرين للأخوان

تحياتي وتقديري لتعاون محافظة ظفر مع السائح وبالاخص السائح الخليجي
ولدي استفسار بسيط ماهو الجديد في صلالة 2009م
هل من انشطة اضافيه على السنه الماضيه تدعم السياحه في المنطقة ؟
وشكراً

بنت العجمي
هلا بيك أختي وهلا باهل البحرين
بنسبه لذكر بعض الاعضاء بان السكن يبدأ ب12 ريال فهذا صحيح بس كل يوم يمر يزيد المبلغ وهذا راجع لضمير التاجر او صاحب الشقه.
وفي بعض الشقق على 30 او 25 ريال وهي نظيفه مثال
بيت الشرق السعاده رقم الهاتف 23226106 - 00968 / 92923666 - 00968
السعادة بلازا للشقق الفندقية السعاده هاتف 23225451 - 00968 / 99581597 - 0096
وغيرها الكثير
اما انسب الاماكن فصدقيني كل الاماكن مناسبه مثال عندك منطقه السعاده وكذلك منطقه عوقد وعندك منطقه صلاله الجديده كلها أماكن جميله.
مع تمنياتي برحله سعيده

fnand181
هلا أخوي فيصل وهلا باهل المملكه الغالين على قلوبنا
برد على اسئلتك بأختصار افضل الفنادق والشقق
كالتالي
فندق كراون بلازا منطقه الدهاريز هاتف رقم 23235333 00968
فندق الهيلتون منطقه عوقد هاتف رقم 23211234 00968
فندق حمدان بلازا منطقه الوادي هاتف رقم 23211025 00968
أما الدليل الكامل وفيه كل التفاصيل فراح تجده بموضوع مثبت للغالي سالم بن سيف وهذا رابط الصفحه
https://artravelers.com/p/re/282558
وبخصوص المسافه هذا جدول من اعداد اخونا ahg من المملكه عمل جدول اكثر من رائع ومختصر بطريقه جميله وهو كالتالي حمل هذه الصفحه وفيها الجدول.
http://ahg555.googlepages.com/pdf
وبخصوص النوم فالافضل في الفنادق لين ما تتعرفوا على المنطقه وبعدها اذا تحبوا تخيموا يكون أحسن في وسط الضباب.
مع تمنياتي لك يالغالي برحله طيبه. بس أمانه خذ بالك عالطريق ترى السرعه ما منها فائدهزوالله يحفظك اخوي.

أخوي
جزاك الله ألف خير على إفادة إخوانك ..
أنا من الرياض ودي أجي بعيد الفطر يعني ثاني أو ثالث أيام العيد،
هل مازال الجو في ذيك الفترة يستاهل أو ألغي الرحلة لأني ما أقدر أجي قبلها..
تسلم يا غالي..

السلام عليكم
نويت ان شاء الله اسافر لصلاله بشهر 8 اجنبي
طبعا السفره انا مع واحد يعني سفرت عزابيه
وبيغت شوركم لاني اول مره اسافر لها
اول شي بغيت اسعار التذاكر الطيران من الدمام الى صلاله
ثاني شي السكن والسياره
ويلي يعرف مكاتب سياحيه مضمونه وممتازه ياليت يذكرها...
وهل هي تصلح للعزابيه
واكون لكم شاكر....

almohandis
هلا بأهل الرياض وحياك الله اخوي باي وقت
في اول ايام عيد الفطر المبارك.
راح تصادف موسم الربيع أو كما تقال عندا بالمحليه الصرب وهي وقت انقشاع الضباب وتفتح المراعي وتحولها من اللون الاخضر الى الذهب منظر ولا في الخيال أما في قمم الجبال فراح تصادف باذن الله بقايا الخريف حيث الضباب والخضره وصدقني بان موسم الصرب هو أحلى الاوقات بالنسبه لاهل صلاله. وحياك الله وتاكد انك جئت في افضل الايام وأحلاها.

الله يجيزك كل الخير ما قصرت رحم الله والديك
راح اتصل بكره والله يسهل ان شاء الله
شكراا جزيلا
اتنمى تزورونا في البحرين ونفيدكم ونساعدكم ونخدمكم بعيونا
بنت العجمي