أخي الحبيب عبرات
مباركين على قص التذاكر و عقبال الرحلة الاندومية ..
الفيزا أمرها بسيط جدا .. و قد أجبنا عن هذا السؤال اليوم
في سؤال الأخ هادي .. بامكانك استخراجها من مطار جاكرتا
بكل بساطة دون الحاجة للذهاب للسفارة هنا ...
المطلوب .. مبلغ 10 دولار لمدة أسبوع .. و 25 دولار لشهر ..
لا تحتاج صور أو تقديم طلب .. تستطيع انهاءها في دقيقتين أو ثلاثة

الطائرالجريح
كلام الاخ العزيز بس لا حظ اذا تبي تجلس اكثر من سبعة ايام خذ تأشيرة لمدة شهر . احسب الايام من تاريخ وصولك للمطار وفي اليوم السابع تغادر . والا الله يعينك تبلش معهم مثل ما صار معي . غادرت في اليوم الثامن .. قالوا لا ياشاطر رح وادفع تأشيرة مرة ثانية . وبعدين حليناها ودي وما ودي. رحلة سعيدة . على فكرة مكتب التأشيرات قبل ماتوصل كاونتر الجوازات تلقاه على يسارك مكتوب عليه لوحة .

مبر وك والله يسهل سفركم وما ازيد على الاخوان شي سوى انكم سوف تجدونها بلد غايه فى الجمال(حالمة) خاصة لمن يراها لاول مرة.... فاستمتع بقدر الامكان بهذا الشعور لانه سوف يظل محفورا فى الذاكرة .

الله لا يهينكم وما قصرتو والله يعينا على الضيعة هناك بس البلا دراهمي وين اوديها
تهقون اني افصّل لها مخبات لحالها والا وين اوديها
وبالنسبة للسفارة السعودية هناك الاحسن اروح لها والا لا ؟؟
ما قصرتو على الاوله ومنتب مقصرين في الثانية ان شاء الله
اخوكم / عبرات

مشكورين يا جماعة على الردود ....
بس ابا اسأل وش الحل مع فلوسي ما ادري بطاقات الصراف تصرف هناك والا آخذها كاش ولو خذتها كاش وين اوديها ؟
والسؤال الثاني وش الفنادق الزينه اللي في جاكرتا وتكون اسعارها يعني مناسبة ومهيب غالية؟
وين تنصحوني اروح هناك ؟

انصحك اخوي عبرات بصرف دولارات من السعودية..تكفي ثلاثة ايام...واحرص ان تكون جديدة وغير (معفطة) لكونها ستقل قيمتها عند صرفها الى الروبية....كما ان بطاقات الصراف والفيزا تعمل في كثير من الأماكن ..
تمنياتي لك بسفر سعيد

1. عزيزي

عزيزي

زيارة السفارة مهمة لمصلحتك . ما تاخذ منك عشر دقائق وتسجل جوازك وادخل اذا بغيت واتقهوى في الصالة . اما الفنادق فيعتمد على قروشك تبي خمس نجوم والانجمتين وانصحك حتى لو دفعت اكثر لكن راح ترتاح . بعد ما تستلم العفش وبعد السوق الحرة ( دكانين ماتسوى ) راح تلاقي مكتب حجز الفنادق على يمينك . طب وتخير من الفنادق . وتدفع لهم كامل القيمة . واذا حبيت تغير بعد كم يوم اتصل عليهم ويغيرون لك حسب رغبتك والمتوفر . ويحولون باقي القيمة للفندق الجديد . بالنسبة للفلوس بطاقة الصراف العادية تشتغل هناك . والافضل يكون معاك دولار . بس انتبه الدولار لازم يكون جديد ومكوي لايتعفط في جيبك حطه في ظرف وخله بيدك . والباقي خلهم في السيفت بوكس بالغرفة بس لا تنسى الرقم السري بعدين لاتصرف واجد . اصرف اللي يكفيك كم يوم لان سعر الصرف يختلف كل يوم وانت وحظك ممكن ينزل او يرتفع ولا تصرف من المطار لان السعر يختلف داخل البلد .في الاسواق مثل باسرايا يوجد صرافين اثنين اسعارهم بعد مختلفة . ايضا في بلازا اندونيسيا في صراف.في القبو وواحد في سوقو اذا طلعت الدور الاول اسال عنه في نفس المجمع اهم النصائح ... اتق الله في نفسك ومن معك واعلم ان الله يراك . ولا تنسى صلاتك . ان الصلاة تنهى عن الفحشاء والمنكر. تمنياتي لك بسفر سعيد وعودا حميد والله يوفقك ومن معك ويردك الى اهلك سالما غانما .

ارجو اخي ان تمر على المواضيع المثبته للاستفاده منها
كما
اتمنى لك رحله سعيده وموفقه

انصحك بصرف دولارات من السعوديه من الطبعه الجديده
ولوتصرف 100 دولار مره وحده من الصراف روبيات تمشي حالك في المطار والتكاسي
حاول عدم استخدام بطاقات الصراف هناك الا في اصعب الحالات
على كل عملية سحب الصراف مايعادل = 25 الى 35 ريال تقريبا