Abeer83
هلا اختي كيفك؟
ممكن اسألك وش سالفه ماء اللقاح هذه اسمع عنها ولا اعرف ايش هو
مشكور اختي الله يسعدك

شفت منه في كذا سوبرماركت

في منه بالمحرق عند حلويات المروج
في لقلح - نعناع - ماء ورد

هلا والله انا بالكويت وايد هابين فيه الماي اللقاح الصغيرة علبة وخاصة في شهر رمضان مع توزيع الي يسلم عليكم حق الشاي
وحتى بنت خالي وزعته علي الحريم الكبار في القرقيعان وكان شي حلو ومميز .
ولا بعد ازيدج من الشعر بيت هابين اييبونه ويبيعونه عندنا بالكويت وعلي قولتهم من ( سبق لبق )
واحنى بالكويت نموت علي شي فيه هبه ويرغبونه الناس
والله يهنيكم يا اهل البحرين في مصنع الجسر لبيع ماي اللقاح .

مصنع الجسر لماء اللقاح يصير قريب من مجمع السيف
وبالنسبه للعلب الصغيره ماتتحصل لازم تكونون هناك اول مايفتح حق تحصلون لكم كارتون ولا كارتونين
وجفت منه في مجمع الدانه يباع في الاكشاك الصغيره بالطابق الارضي

بالضبط يكون عند مطعم زيارة في الجهة الغربية من مجمع السيف ( المطعم ينشاف من الشارع )

تكفون دلوني عليه ماء اللقاح العلب الصغيرة مثل العصير زجاج ، فيه مريض بنقص الحيوانات المنوية محتاجه كثير جدا جدا ومالقيت بالخبر عندنا إلا منتج واحد أسمه النخيل من أنتاج الاحساء ويباع في مركز فهد للتسويق وكذلك مرة لقيته في هايبر بنده الظهران ، لكن أنا أريد حق مصنع الجسر تكفون !!!

اتحصلونه عند شويطر للحلويات كلهم اللي بسوق المحرق وحل عطار اسمه مخلوق والمصنع بالقرب من السيف