شامي مبندق
25-07-2022 - 10:50 am
السلام عليكم
مضطر أكتوب موضوع جديد عن الأكل ... يعني أخوكم بالله أكتر مشاويره مشان الأكل والمطاعم
المطعم هو COOK DOOR مطعم وجبات سريعة بحري و دجاج ولحمة
قررنا نتعشا عندو أنا والخطيبة .... والعنوان بشام سيتي سنتر بكفرسوسة
طلبنا الطلب واللي كان ... سندويش فرايدي كومبو ... وسندويش دجاج مشوي كومبو
وطلعنا للتراس ..... كان البرد قارص
بس شفنا خيم حلوة خرج القعدة
بس قعدنا شوي ... وضلينا بردانين ..... ... قام قررنا نفوت لجوا وأمرنا لله
بس وللحق التراس كتير حلو ... وعلى طرفو في ستاند للمشروبات السخنة والباردة والأكلات الحلوة ... فصورت هالصور من زوايا مختلفة
وعجبتني هي الزاوية الحجر مع الإضاءة ...
وهي جزء من الستاند اللي بيقدم الحلو والمشروبات
وهي صورة للوحة إعلانية للمطعم بالقسم الداخلي
وهي الوجبة اللي خبرتكون عنها
وصحة وعافية
بنلتقي بحلقة جديدة من برنامج .... شامي وجولة مع الأكلات الطيبة
