مرحبا الاوروبي صديقي بالرحلة
انا طالع بس قبلك بشهر , انا طالع في اكتوبر ان شاءالله بالنسبه للجو في اكتوبر راح يكون مطر و يميل للبرودة يعني الجو روعة بالنسبه لنا بالخليج !
لكن وقتك شهر 11 اعتقد الجوو راح يكوون بارد و ممطر كثير ..
شرياتون ماياكو هو ايضا اختياري في طوكيو و يقع في شنجوكو اعتقد , و هي مكان كله مطاعم و أسواق , اذا حاب تسكن لا تبعد عن شنجوكو او شيبويا او روبونجي !
و اسبوع على طوكيو اعتقد قليلة , لأن عندي ديزني لاند يبي لها يومين وهي اكبر من يورو ديزني بكثيير وبحسب ماقريت بالنت انها افضل من ديزني اورلاندو !!!
وعندك ديزني البحر و هي ديزني الوحيدة في العالم ديزني البحر جديدة هذي !
وللرحلات فيه شركة سن رايز و يمدحها الاخ QJQ .. لكن اشوف اسعارها غالية نوعا ما تتراوح بين 45 ريال " 40 دينار تقريبا " الى 55 ريال " 50 دينار تقريبا ..!
واي استفسار انا في خدمتك ..

c.carlos
اي والله ياخوي
زين يعني الحمدالله نقدر نقول اختيار الفندق موفق
ياخوي شلون الاسعار غاليه 45 دينار كويتي 600 ريال او اكثر .....
الحين الاسعار اذا 45 واربعين تعتبر غاليه
اذا الاسعار 40 ريال فااعتبرها انا رخيصه بالنسبه لما سمعت عنها
والله يالغالي تروح وترد بسلامه ان شاء الله
بالنسبه لديزني البحر مانقدر نجيها علي حسب كلامك تقوول الديره بارده بشهر 11
وبالنسبه للمده 7
والله ياخوي انا صارت عندي وسوسه بالنسبه للتخويف من الغلاء اللي باليابان راح نروح زياره خاطفه علي قولتهم اسبوع وبعدها علي تايلند بأذن الله
واذا الديره حلوه و اسعارها معقوله ممكن نمدد اكثر
بس شسالفه القطارات شلون تتعامل معاهم ؟؟؟ يقولون تعقد ؟

مرحبا الاوروبي ,,,
عقوا قصدي 450 ريال و 550 ريال .. انا غلطت !!
بالنسبه لديزني البحر حسب ماسمعت من احد الاقارب انها العاب بحرية و مائيه , عادي تروح بالشتاء , لأن مافيها سباحة بس هي عبارة عن ألعاب مائية تركب سفن و قوارب و مدري ايش !!
الفندق احرص يكون في شنجوكو احسن منطقة ..
والله يسهل دربك

تراني مب ناسيكم ولكني قاعد أجهز الرد اللي يتناسب مع مقامكم
إن شاء الله سأقوم بذلك عصر هذا اليوم
أعذروني على التأخير ، وتقبلوا تحياتي

مشرفنا العزيز شكرا لك طمنت قلبي
بانتظار ردكم الكريم
شكرا

c.carlos
ويسهل دربك يالغالي
ها عاد لزم نتحدا بالتقارير .... الصراحه انا مقصر معا المنتدي من هلناحيه كل مااسافر مااحط تقارير بس انشالله من سفرتي الجايه بحط تقارير بأذن الله
اذا كانت ديزني لاند البحر ..... ماتعتمد علي الجو او مغطينها شي حلو انه ندشها
شكرا لك وياريت نتبادل المعلومات
شلون تبي تتعامل معا القطارات

مشرفنا العزيز هل التعامل معا القطارات صعب يقولون لزم تعرف الالوان !!!!!

هلا هلا , هلا بمشرفنا , ايه الحين نتعدل ان شاءالله
والله يا الاوربي ماعليك روح و خش ديزني البحر , قبل شووي كنت في موقع ديزني لاند , حتى لو ثلج انا بروح لأن احتمال ما اجيها ثانية ابد !
بالنسبه للقطارات الله يعين , لازم نجرب و نضيع شوي , دام جاء مشرفنا ان شاءالله ماراح نضيع ..
انا رايح في شهر عشررة من 14 تقريبا الى اخر 10 , بقعد 14 يوم ان شاءالله !
ياليت نتقابل هناك اذا حصلت فرصة ..

والله صعبه انا رايح انشالله من تاريخ 11/11/2008 الي 19/11/2008
ان شاء الله لو حصل نتقابل نتشرف يااخي