معليش أخواني وأخواتي
نسيت شي
خامساً : أماكن التسوق على شان ماتزعل علينا المدام ههه

مبروك يامعرس، بارك الله لكما وبارك عليكما وجمع بينكما في خير
بالنسبة للسكن، عاد ماقلت متى بتروح؟
بس بشكل عام فندق الجوهرة وفندق الكونكورد أسعارهم معقولة (مابين 600 إلى 700 ريال في الليلة)
واذا حبيت شي احسن فندق كوبثورن أو فندق فلورا كريك (مابين 900 إلى 1000)
أو شوف اي فندق من فنادق روتانا، أسعارهم جيدة وخدمتهم ممتازة
بالنسبة للميزانية، حسب الفعاليات اليومية
اذا بتتعشى في مكان راقي الحساب بيكون مابين 250 إلى 350 لشخصين
اذا بتروح السينما التذاكر مع الخفايف مابين 100 إلى 120 لشخصين
بتروح قهوة بتكلفك مابين 60 إلى 100 بشخصين
المواصلات بتكلفك يوميا 150 إلى 250 حسب المشاوير
بالنسبة لي، انا احط ميزاينية يومية 1000 ريال، بس في أغلب الأحيان ما أوصل هالمبلغ كل يوم

يعطيك العافية أخوي
بالنسبة لموعد السفر إن شاء الله
في شهر مايو ( جماد الأول )

والله انا حبيت افيدك باللي اعرفه :
فيه فندق ممتاز جديد 5 نجوم في الشارقه اسمه ( ريان ) جربته قبل اسبوع وبصراحه ارتحت فيه مره ((بالذات السرير حقهم روعه يجيب لك النوم غصب ))
واخذت الليله فيه ب 500 ريال مع الافطار .
بالنسبة للفعاليات والاماكن اللي اعجبتني :
1_اذا امداك على القرية العالميه لاتفوتك باقي عليه اسبوع تقريبا .
2_وطبعا لايفوتك الاسواق الرائعه (مركاتو +بن بطوطه+سوق جميرا+مول الامارات)
3_فيه مطعم جنوب افريقي موجود في سوق جميرا اللي عند فندق برج العرب
مطعم روعه وموقعه يهبل والجلسه فيه رومنسيه حيل .
4_في سوق ابن بطوطه اذا حبيت تدخل رح من جهت بوابة الاندلس لان عنده تاكسي المول اسال عنه (سياره زي القولف ب 10 ريال يوديك الى اخر المول وانت ترجع مشي اريح لك عشان ماتتعب روحه وجيه
5_طبعا فيه سوق شعبي سمعت فيه لكن مارحت له يمدحونه وموقعه قريب من الخور في دبي .
6_فيه على الشارع الرئيسي في الشارقه ونت طالع منها الى دبي مصنع للحلوى العمانيه على اليمين مقابل تويوتا لكزس .... لايفوتك حلوى شي ثاني راح تدعي لي ,, يصلح تاخذه هديه معك للاهل .
7_فيه مطعم صيني بصراحه ماجربته بس جلسته رومنسيه مره موجود في بن بطوطه القسم الصيني اسال عنه وجربه .
وسلامتك
اتمنى اكون افدتك وافدت الاخوان اللي يبون يزورون دبي

السلام عليكم
بالبركة عليكم ، والله يسعدكم إن شاء الله
الفنادق أسعارها متفاوته إنت بحدود كم تفضل ؟ عشان نقدر نفيدك ..
أسعار أغلب فنادق دبي الممتازه بحدود 600درهم وطالع
وفي الأقل بس مستواه جداً عادي.
أسعار بعض الفنادق فالرابط ، هالأسعار فترة العيد يمكن ينزل سعرها قليلاً شهر مايو ، اسأل فالمكاتب السياحية يكون السعر عندهم أرخص.
https://artravelers.com/p/re/158875
الجو حلو ومعتدل... إذا بتلحق هالإسبوع على القرية العالمية
آخر يوم لها 1-3-2008
أماكن رومانسية:

• مطاعم وجلسات سوق جميرا التابع لفندق ميناء السلام، الجلسات رائعه تطل عالنهر الصناعي وكأنك في فينيسيا
• الجلسات الخارجية لمطاعم الفستفال ووتر فرونت سنتر. بالإضافة للسنتر
• مطاعم مرسى دبي(المارينا) تطل على بحيرة بها مرسى لليخوت
• أماكن أخرى:
• الكافية الجليدي
• سكي دبي(الحديقة الثلجية) فالإمارات مول +تسوق +سينما+مطاعم وكوفيات
• مطعم باتو دبي رومانسي عشاء + جولة بحرية ، لاكن سعره غالي الشخص=240درهم
• الجلسات عالخور .. في قرية التراث ولغوص... وتقدر تاخذ جولة بحرية الساعه 100درهم وتقدر اتخليها نص ساعة بنصف السعر.
• ابن بطوطة مول يستاهل الزيارة رائع بديكوراته.
• وتقدر تروحون الحدايق وتتمشون عالبحر

الأماكن المذكورة بالصور فالرابط مع أغلب مراكز التسوق
https://artravelers.com/p/re/162751
ورحلة موفقة بإذن الله