sauud_saad
09-12-2022 - 03:53 am
السلام عليكم
بدخل على طول بالموضوع انا رجال ما عمري سافرت ولا طلعت أصلا من ديرتي حتى بالرياض ما احفظ الأماكن زين
وقدر الله علي وتملكت
والمشكلة ان المدام تبغى تسافر لسويسرا لان صديقاتها وخواتها كلهن شهر العسل في أوربا
أقنعتها ي بنت الناس وش رأيك في ماليزيا دبي شي سهل علي عاد أصرت تبغى سويسرا
وأمي وخواتي قالوا لا تكسر بخاطرها
عاد انا ما أبغى أقول للمره أني جبان وأخاف من طارئ السفر
استخرت والحمد لله اقتنعت بسويسرا
ياليت تنصحوني وش اسهل شي لتنقل هل استأجر سياره وإلا هناك وسائل اسهل
ان شاء الله بعقد 15 يوم
حددوا لي المناطق اللي يفصل أزورها في سويسرا
والفنادق
وش أحسن اصرف العملة هنا ؟؟
وتذكار القطارات من وين اطلعها؟؟
وش أحسن القروب وإلا لحالنا أريح؟؟
وإنجليزي عندي معدوم بس زوجتي تعرف شوي؟؟
وكم الميزانية المقترحة ما أبغى ابخل على نفسي بشي ؟؟
وش افضل مكاتب سياحية أتعامل معها ،؟؟
عارف كثرت عليكم بالاسئله تحملوني عاد
عليمي وشطح لأوربا
