السلام عليكم ورحمه الله وبركاته
اخواني ابي منكم مساعده انا ان شاء الله مسافره لماليزيا بشهر سبتمبر
وابغى منكم كم معلومه لو تقدرون وراح اكون شاكره لكم ومقدره لتعبكم
وجزاكم الله خير الجزاء لما تقدموه للمسافرين من مساعده
قبل كذا خططنا للسفر لماليزيا مرتين ولكن الله ماراد لنا بالسفر المره الاولى
كانت قبل 6 سنوات وتعبت فيها بالبحث والاسئله ولكن قدر الله وماشاء فعل
والمره الثانيه قبل 3 سنوات وبرضه ماسافرنا والثالثه ثابته
لو تكنسلت ببطل نهائي شكله .. طولت عليكم ابغى تساعدوني باسماء فنادق باسعار متوسطه
لاني ابغى السفره اقتصاديه نوعا ما يعني تكون بحدود 200 الى 300 باليوم في كوالالمبور وسيلانجور ولنكاوي والكاميرون حذفت بينانغ لاني ان شاء الله ناويه على بالي
الجدول النهائي لسى ماقررته ابي مساعدتكم سفرتي راح تكون بحدود 17 ليله
ابغى سير السفر كيف يكون ترتيبه خصوصا مع بالي انا مابي اروح مطار جاكرتا
اقدر من ماليزيا اروح بالي دايركت ولا لا طيب من بالي ارجع ماليزيا لان على ماعرفت بالي ما فيها مطار دولي
لا تقولون كنسلي بالي لانها مره داخله مزاجي وفيها برفه شوي بالميزانيه
ميزانيتنا راح تكون ان شاء الله بحدود 22الف مع التذاكر
اتمنى الرد سريعا علشان احجز من الحين لقيت تذاكر الطيران عالماليزيه بحدود 2400 للشخص
ما ادري راح تتغير الاسعار هالايام ولا لا