نصيحتي لك الفندق الاول غلوريا روعه واطلالته حلوه جدا جدا
هو في منطقه مرتفعه وعادي انا واهلي كنا ساكنين بشقق دورنت القريبه منه
المهم ارجعوا قبل الغروب عشان تنتبهون للطريق لاتفوتين فرصه هالفندق

مشكوره حبيبتي وشجعتيني كنت وايد متردده ...
خلاص الحين بحجز ان شاء الله ...

وممكن تعطيني منطقه تكون استراحه بين (انترلاكن وزيلامسي)
مع العلم اني اريد اروح لوقانو لمدة يوم لزيارة (سد فيرزاسكا + التسوق في اوتلت الفوكس تاون )
ومافي حجز في لوقانو ابدن .... فكرت في انسبروك بس طلعت بعيده وايد عن لوقاانو >.<
وهل ينفع اني اخصص يوم من ايام انترلاكن لزيارة لوقانو (بس اخاف الدرب طويل
)

بالنسبة لفندق غلوريا. اذا تأزم الوضع و مالاقيتو اماكن ثانية, احجزو فيه و توكلو. هو مش بطال لكن!!! هو يبعد حوالي 15 - 20 خطوة من فندق دورينت, و حوالي 10 دقايق بالسيارة من إنترلاكن.
اذا تبي تروح لغلوريا, ضبط جهاز الملاحة على إنترلاكن في الاول, و يوم توصل إنترلاكن ضبطه على غلوريا. لو ضبطت النوفي و انت بعيد على الفندق و تصادف ان الجو كان ضبابي
(صارت لي) صدقني, بتعيش لحظات بتغنيك عن زيارة الملاهي.
يومها في النت ما ليقت حجز و يوم رحت عندهم, لقيت غرفتين و بأسعار اقل من الي في النت. بس ما حجزت.

انا اللي جبرني على هالفندق هو سوء فنادق انترلاكن .. الفنادق الجيده غاليه وايد الليله بالف و 500 او اكثر
واما الفنادق ال 3 نجوم سيءه جدا من ناحية الديكور وحتى التقييم في بوكينق اما هذا الفندق عجبني ديكورهم ومبين انه مرتب وكل المميزات عجبتني
بالنسبه لي الطريق مافيه مشكله اذا الطريق 10 دقايق ....
لكن اتمنى توضحين لي ختي اكثرر .. شو الاسباب الي خلتج ما تحجزين فيه ..؟؟ هل هو الطريق .. ؟؟
هل الطريق وعر وخطر لهذي الدرجه ..
بس هم كاتبين ملاحظه انه يجب ان نسلك طريق انترلاكن لانه امن

om algala
انا كنت ساكن اسبوع في دورينت. و فكرت اني مدد بس دورينت قالي عندنا يوم او يومين بس و الباقي فل و انا كنت اريد اكثر(4 ايام). كنت افكر الغي لوقانو (متخوف) و اخلي ايام لوقانو في غلوريا, و لكن دقيت سلف على لوقانو و الحمد لله اني ما لغيتها.
الطريق ما فيه مشكلة لو جيته عن طريق انترلاكن. الغلطة الي سويتها انا اني من مطار زيورخ كتبت دورينت و خليته يوجهني. بعد ما عرفت السالفة صرت اول شي اوجه الجهاز لإنترلاكن و يوم اوصل لإنتركن, اضبطه على دورينت.
طبعا الاجهزة فيها خاصية انك تذهب إلى a و من ثم إلى b. بس ما استغليتها.

Corleone
ايوا ... يعني الفندق مافي مشكله الحمدالله ...
اوكي عندي استفسار بسيط انا خاطري اروح لوقانو .. بس المشكله اني لو رحت لوقانو ورديت انترلاكن في نفس اليوم صعب ..
وفنادق لوقانو كلها فل ..
ولو طلعت من انترلاكن لل وقانو بيكون الطريق 4 ساعات تقريبا ... وببات في لوقانو وبعدين بطلع منها لزيلامسي .. 6 ساعات تقريبا .. صعب بيكون الطريق متعب جدا ..
ابي منطقه تبعد 3 ساعات تقريبا من انترلاكن ... وتبعد 3 ساعات عن زيلامسي وتكون قريبه من لوقانو بحيث اني اقدر اروح في النهار وارجع المسا ... بدون ما ابيت في لوقانو .. لاني ماريد محطات توقف كثيره
اتمنى تساعدني اخوي باقي اقل من شهر على سفرتي ...

انت بعد انترلاكن بتروح زيلامسي؟
ممكن اعرف شو هي المناطق الي راح تسكن فيها من بعد إنترلاكن لين ما تطلع الطيارة.
على العموم انا ما زرت النمسا و انت يبيلك واحد عاصر الليمون و عارف كيف طعمة. بس السكن في النمسا على افا مين يشيل

بالنسبه للسكن في النمسا لقيت سكن رائع وخلاص حجزته الحمدالله ...
بس بقالي محطه توقف بين زيلامسي وانترلاكن ... وتكون قريبه للوقانو ..