1. هذي خيارات


2. وهذا في شرق بالعاصمة


3. القريب من سوق شرق والمباركية


4. ونفس المنطقة وتتوفر شقة غرفتين نوم في 60 دينار


5. والمعروف عند السعودية


6. شقق بودل

السلام عليكم ورحمة الله الله وبركاته ..
وعليكم السلام ورحمة الله وبركاته
صبحكم الله الخير , ان شاء الله راح ازور الكويت انا والشباب بعد عشر يام من تاريخ اليوم وابي نصيحتكم ..
صبحك الله بالنور وحياكم الله ببلدكم الثاني الكويت
وإن شاءالله تستمتعون عندنا
اولا : الشقق واسعارها حنا 4 شباب نبي من اربع نجوم الى نجمتين بشرط يكون سعرها رخيص وحلوه ويكون كل شي قريب منك ..

هذي خيارات

https://artravelers.com/redirect.php?r=8cbcec798413cfcf4e30db034fb2d072" rel="nofollow">https://www.booking.com/hotel/kw/palazzo.ar.html?aid=1300939
هذا بالسالمية ( نبض المدينة )

وهذا في شرق بالعاصمة

القريب من سوق شرق والمباركية

https://artravelers.com/redirect.php?r=5d3e7a87d1609e5ab8e4d2c0ca7b4736" rel="nofollow">https://www.booking.com/hotel/kw/ibis-sharq.ar.html?aid=1300939

ونفس المنطقة وتتوفر شقة غرفتين نوم في 60 دينار

https://artravelers.com/redirect.php?r=af40f9bb709f6546ad3ebfe3aefe11e5" rel="nofollow">https://www.booking.com/hotel/kw/ritzsharq.ar.html?aid=1300939

والمعروف عند السعودية

شقق بودل

https://artravelers.com/redirect.php?r=cf5c29dec22dff16d219c42f9471ae88" rel="nofollow">https://www.booking.com/hotel/kw/boudl-kuwait.ar.html?aid=1300939
بالسالمية وبشارع كله مطاعم وقريب من مولات السالمية بالسيارة 5 دقائق
ثانيا : بالنسبة للأماكن السياحية لأن الكويت مااعرف فيها شي راح تكون مدة الزيارة من 4-5 يام اول زياره لي للكويت الحبيبة (ان شاء الله) ..
للأسف الأماكن السياحية قليلة بالكويت
ابراج الكويت ( بس مسكرة للصيانة بس التجول في الكورنيش إلي عندها )
المركز العلمي ( الأكواريوم )
منتزة الشعب الترفيهي ( بس للعوائل أكثر )
مدينة الكويت الترفيهية ( بس الكويتيين يهجرونه طوال السنة بس بالأعياد والمناسبات وفصل الشتاء والربيع ) بس ما يمنع أهالي المناطق القريبة يجونها نهاية الأسبوع
الأكواريوم ( مدينة ألعاب مائية ) وهي تحت أبراج الكويت
سوق المباركية ( تراثي )
المولات
الأفنيوز ,, سوق شرق ,, مارينا مول ,, 360 ,, الكوت بالفحيحيل
وهذا موضوع إن شاءالله يفيد وفيه جدول سياحي لمشرفتنا الله يجزاها خير
طب وتخير بأي جدول يناسبكم
فيه متاحف ,, نوادي للشباب ومطاعم وغيرها وغيرها
https://artravelers.com
ثالثا : كيف سعر البانزين عندكم معنا سيارة هيونداي سوناتا نفس تانكي الكامري والالتيما ..
أسمحلي والله بهالسؤال السهل الصعب
الشباب أعرف
بس احسب اليوكن 2011 نفوله في خمس دنانير ونص
رابعا : بالنسبة للأسعار بشكل عام لازم اعرف عشان نحدد الميزانية ..
الأسعار أزوود من المملكة بشوي يعني
4 أشخاص ممكن الليلة لكل شخص 20 ، 30 دينار
اسف طولت عليكم .. بانتظاركم ..
رحلة موفقة بإذن الله

أختي : هدوء العالم ..
مشكورة على الشرح الوافي ..
جزاك الله خير , ماقصرتي ..
خاطري بالأبراج من زمان لكن ماعليه الجايات أكثر ان شاء الله ..

بالنسبة لأولًا، ما تحتاج سكن يكون كل شي قريب منك، لأن من أقصى نقطة في العاصمة إلى أدنى نقطة في الفحيحيل (آخر المناطق اللي فيها مجمعات ومرافق)، تحتاج نص ساعة، الشي الثاني عندك مرافق في العاصمة ومرافق تحت صوب الفحيحيل مثل البيرق والكوت والمنشر، لا بد بيكون فيه مكان بعيد عليك ومكان قريب، عمومًا الشقق الفندقية وايد، وللأسف ما عندي خبرة كبيرة فيها لأني ببساطة ما احتجت أسكن فيها
بالنسبة لثانيًا، اسأل عن مجمع 360 ولما تدخله اسأل عن Flight Experience، راح تستمتع في تجربة قيادة طيارة بوينق وتطير وتهبط من مطارات مختلفة حول العالم، واسأل عن مطعم نارنج ومطعم البلد وكافيه بزة، نارنج سوري حلو، ومطعم البلد لبناني ويلف حوالين نفسه، وكافيه بزة يقدم مأكولات كويتية لذيذة وخفيفة، وروح سوق المباركية سوق قديم، واكل خبز رقاق واستمتع بطعم المشويات، واشتر أغراض قديمة، وروح أكوا بارك وقرية المسيلة المائية، هذول حدائق مائية، وروح حديقة الشعب فيها ألعاب حلوة
بالنسبة لثالثاً، سعر البنزين هو 65 فلس حق اللتر، يعني أقل من 75 هللة، واحسب تكاليفك
ورابعًا، بالنسبة للأسعار، إنتوا بالسعودية أرخص منا، البعض يسافرون الجبيل الصناعية أو الخبر عشان يشترون بعض الأجهزة والسيارات والكمبيوترات وقطع الغيار وكفرات السيارات
وحياك الله بالكويت، ولأي استفسارات تفضل بطرح ردود في المنتدى أو مخاطبتي على الخاص

أخوي : Ambitions
تسلم حبيبي ماقصرت بيض الله وجهك على شرحك للأماكن التي تستحق الزيارة ..

بالنسبة ياأخوان لجزيرة فيلكا كم تبعد من كيلو عن الكويت العاصمة ؟ ووش فيها من مرافق !!!
الشي الثاني قرية المسيلة المائية تستحق الزيارة ؟؟
بانتظاركم اخواني الكويتين

صباح الخير اخونا
هذا موضوع في استفسار عن جزيرة فليكا
https://artravelers.com/p/re/267281
وهذا تقرير عنها
https://artravelers.com/p/re/152568
بصراحة ماقد رحتلها وإن شاءالله هالمواضيع تفيد
والمسيلة المائية والأكوابارك
الاكوابارك أحسن
مع انه ماأحب المدن المائية

أختي : هدوء العالم ..
مشكورة على الرد..
عذرا على التأخير نظرا للانشغال وتم تأجيل السفرة لنهاية الاسبوع القادم ..

إذا وصلت الكويت راسلني على الخاص عشان أضبطك