anfaal
28-09-2022 - 10:46 pm
السلام عليكم و رحمة الله و بركاته
انا عندي كم سؤال عن لندن عشان و لا مره رحتلها فحابه انكم تجاوبوني عليه و لكم جزيل الشكر
1-ماهي ارخص خطوط للسفر من الكويت للندن؟
2-كم اسعار جميع المناطق السياحيه والترفيهيه بلندن؟
3-هل يوجد موقع احجز فيه للمناطق السياحيه يكون ارخص عشان عارفين هناك غالين؟
4-ايش اشهر شارع بلندن من حيث الأسواق و المطاعم و الكافيهات؟
5-ايش ارخص موقع للحجز على الشقق الفندقيه يكون جربتوا شخصياً يعني يكون موثوق؟
6-هل لندن تكون مناسبه لعائله يعني مثال الاماكن السياحيه و المناطق الترفيهيه لأنو احنا 3بالغين و طفلين ؟
7-هل 26000 ريال سعودي تكفي من حيث سعر الفنادق و تذاكر السفر ل 5 اشخاص و المناطق السياحيه؟
وانا ان شاء الله بسافر من 17 فبراير الى 28 فبراير 10 ليال 11 يوم
و انا سمعت عن ترا ل كارد ايش هي و كيف اقدر اخدها؟
و اسف على الاطاله
وشكراً
anfaal
ماعندي فكره عن الخطوط الكويتيه, لكن جيك ع القطريه هي ارخص طيران بالخليج لو ماعندك مانع ترانزيت, والبريتيش ايروي مرات اقل ومرات اكثر,أسعار المناطق السياحيه تدخلها بتذاكر, سعرها غالبا للشخص قريب 25 باوند او اقل, لكن لو تحجز اونلاين من الموقع الرسمي . مثلا لوندن اي, يكون اقل من 20 باوند, وتقدر تحجز لموقعين سياحيين بدل واحد بعد من الموقع >>
اشهر شارع تسوق ومطاعم هو اكسفورد رود, واولد بوند, وبعد النايتسبريدج جنب هارود, واذا بس مطاعم شرقيه عندك ادقوار رود،
للحجز احجز من بوكينج دوت كوم , او المواقع الشبيهه مثل لاست روم, غالبا نفس السعر بس اقل من السعر اللي من الفندق نفسه,
لندن مناسبه لعايله, في عندك اماكن مناسبه للاطفال, مثل اغلب الاماكن السياحيه وبعض المتاحف ممتعه للاطفال مثل متحف التاريخ الطبيعي, ودون جوان بيت الرعب , وبليف اا اور نت, حسب عمرهم >> وبعد في مدينة ملاهي قريبه من لندن تروح لها بالقطار, بس ماعرف اذا تناسب عمرهم , وطبعا الجدايق والهايد بارك مناسبه للاطفال >>
بخصوص السعر , ماعتقد يكفي السعر , لان التذاكر لوحدها ممكن تكلفك لو قلنا متوسط 2500 , وانتوا 5 , طبعا لو الاطفال جدا صغار السعر يختلف, والفندق حسب ميزانيتك والمنطقه اللي بتسكن فيها. فانا انصحك تشوف من الحين اسعار التذاكر والفنادق حق شهر فبراير وممكن تحجز من بدري علشان يطلع لك اقل >>
رايي الشخصي أغلب المناطق السياحيه صارت موضه وماتستاهل العنوه, بس اذا اطفال تفرق, بس للكبار ماله داعي، اقصد مدام توسو وبيت الرعب الخ