اهلين اختي وحياك الله في الدمام
الموضوع مايخصني بس من كثر ما اودي أهلي السوق صرت أحفظ الاماكن زين
عندك المارينا مول فيه تقريباً محل او محلين وعندك الحياة بلاز وسوق الحب و مجمع الواحه يعني الاماكن مبعثره وليست في محل واحد ,

ما قصرت اخوي بس ما في سوق او مجمع خاص بالعبايات

في الخبر بالسويكت احسن محلات العبايات

يعطيج العافيه خالتي قماشه بس انا باجي الدمام

ليت العبايه تكون على الراس افضل واستر
الله يهديك للخير قادر ياكريم

يامرحبا وتنور الدمام بزيارتكِ يالغلا
شوفي خيتو
انا اليوم اخذت عباتي من حياه بلازا
بوابه 29
من من جد روعه
وسعرها قليل
اذا عندكِ موديل هو يفصلها الك خلال 4 ايام
اهم شي اختاري القماش والموديل
او تاخذين جهاز
ع فكره المحلات في حياه بلازا ينقصها الديكور
وعندك شارع الحب فيه محلات كثيره منها عبايات القحطاني
وغيره من المحلات
وفي مارينا موول
ومجمع الواحه
اتمنى اني سااعدتك بالقليل :
واي خدمه انا حاظره
أختك في الله >> الغروب

حياج الله بالشرقيه
عندك شارع السويكت مليان محلات عبايات باسعار واشكال مختلفه
وفيه الحياه ببلازا محل اسمه نيفين يمدحونه للامانهه ماجربته
سوق الحب بالدمام بعد فيه عبايات

مرحبا
انا اللي اقدر اقولك علية
في الدمام مجمع المارينا
في الدور الثاني محل اسمة شيفون جربتة ومرة عجبني واسعارة
حلوة ما تتعدى 600 ريال
وفية قريب لة محل اسمة المغاتير بعد يمدحونة بس بصراحة ما جربتة
الشاطئ مول عندك برضو فوق محل الاختيار الاول جربتة من زمان
وعجبني بس الحين مادري عنة
عبايات اللي في مجمع الراشد اتوقع ما يقل سعرهم عن الالف ريال
بس غريبة اللي اعرفة ان يمدحون عبايات قطر مرة
ويقولون ان اقمشة العبايات عندنا مو شي مقارنة باقمشة اهل قطر

يعطيكم العافيه
ماتدرون شكثر فدتوني
صاجه عبايات قطر حلوه لاكنها غاليه وايد يعني بالالف عادي وصج انا مااقول لج ان ما نفصل من عندهم لان مطرين لاكن بما ان احنا جاينكم قلنا خلنا نشوف يمكن احلا وارخص من اهنيه
تحياتي لكل من رد على استفساري