وعليكم السلام اخوي
ويهلا ومسهلا باهل الكويت
المهم الفنادق احسن شي بترتيب موفمبيك في جاكوزي يجي بعدها الانتركونتننتل هم فيه جاكوزي يجي بعده منتجع هولدي ان
هول احسن شي وارقى شي
احسن مجمع الراشد يجي بعده اضهران بعده لوحاب كم ماركه مجمع القصيبي هو عنون بس كلاس
غيرهم في كثير بس هول احسن شي
مطاعم عندك مطاعم حلوه موجوده بكرنيش اشبيلي تلاقيهم عل بحر على يدك اليسار في مطعم اسمه براسا اسمبوك في اصفهاني بل كرنيش العادي شليز فرايديز
ومكدونلدز وربعه
شي مميز بل خبروالله في مركز اسمه سايتك طبعا مومثل المركز العلمي حق الكويت ها مصغر بس حلو
الدمام مدري عنها الخبر احلى واونس من رايي
تحياتي

جزاك الله خير وفي انتظار ردود اكثر

الدمام تجربة أخرى .. ليش بتسئلين العيشه البسيطه ليس بها تكلف الخبر ومجمعاتها رتبي زيارة لسوق الحب وبتعرفين الجواب تجربه وانا رجل اعشق خوضها سوق يفتح النفس بالنسبه لي طبعا مافيه رخام يلمع ولامكيفات تبرد عليك روحي له وردي علي وفيه مواقع اخر مثل كورنش الدمام جميل وتمت توسعته مؤخرا ويحوي مجموعه من الاماكن زيارتها وفيه مجمع خاص فقط للنساء المجمع النسائي مقابل مدينه الالعاب التوي تاون وخلف التوي تاون يوجد ملاهي الحكير

اخواني اخواتي في الله انا مازلت في انتظار جدول مرتب للرحله
وايهما افضل موفينبك ام هوليدي ان نظام شاليهات انا اهم شي جاكوزي
اين انتهم يا اهالي خبر

2- الاسواق والاماكن التي تستحق العناء وياريت جدول للرحله
افضل مجمعين هم الراشد والظهران مول
واذا سوق شعبي عندك السويكت
وللمعلوميه مجمعات الشرقيه ماتفتح الظهر يعني تفتح من الصباح الى صلاه الظهر
ومن 4 العصر الى 10 ونص بالليل(( باستثناء المطاعم فاتحه طول اليوم ))
فافضل يوم الاثنين يكون لمجمع الظهران لانه اكبر مجمع
ويوم الثلاثا لمجمع الراشد ولايفوتك تتذوقون فينا كفي بمحل لي كافيه بالراشد
بس ياليت تحدد معك اطفال او لا و نوعيه الاكل المفضل عشان نضبط لك برنامج
والدمام مره قريبه مثل السالميه والكويت يعني مهنا مشوار ربع ساعه اذا مو اقل

لا زوجين فقط بدون اطفال بارك الله فيكم

الوصول بيكون يوم الاحد فاقترح انك تاخذ لفه على كورنيش الخبر وتفرفر بشوارع الخبر
وتتعشى بمطعم
المطاعم اقترح عليك
لاقونا موجود بجزيره الدغيثر على كورنيش الخبر يرضى جميع الاذواق
او
كوبرشندني مطعم هندي موجود بشارع الببسي
وبامتداد الشارع بيكون فيه مطعم ثاني اسمه سولا كتشن اكلات بحريه
كلها مطاعم حلو وفيه تقارير عنه بهالقسم
ولاتنسى تدخل شارع السويكت عباره عن سوق شعبي تاخذ فكره عنه بالسياره
الاثنين
الفطور بمجمع الراشد فيه محل اسمه اموري بالدور الثالث لما تدخل من بوابه 6
او لي كافيه
والدورالثالث كله محلات قهوه ومطاعم
وتاخذ فره بالمجمع ومن بعدها تطلع على البحرين تروح الستي سنتر كله محلات وسينما ومطاعم حلوه وترجع بنفس اليوم
الثلاثا
في النهار تقدر تاخذ فره بالعزيزيه (( عباره عن شاطي يكون فيه تاجير خيول ودبابات وفيه بسطات للبيع عاده اروح له يوم الجمعه مدري اذا فيه بنص الاسبوع او لا ))
الثلاثا اتوقع يوم مناسب لمجمع الظهران من الساعه 4
شارع الكورنيش مليان بالمطاعم المشهوره مثل تشليز وفرايديز وابل بيز والاصفهاني والكوفي مثل الدكتور كيف وستار بكس وكاسبر اند غابر و
واتمنى تنبسطون
واذا معك وقت تقدر تروح السوق الشعبي بالدمام وهو سوق الحب

ماشالله عليك ترنيمه
خ وش خطه
بس حبيت اضيف شغله في مطعم قعداته حيل حلوه في الدمام بتحديد بل كورنيش عل شكل كباين تطل عل بحر
صراحه القعده حيل حلوه الاكل اعطيه 810
لونويتو تروحونه اطلبو بحري مشكل مقلي ومشوي وشيش طاوق و سلطه يونانيه حده حلوه
وشكرا

بالنسبه لمطعم لا جونا اقترح تروح له بالنهار غدا او العصر تتقهوى فيه
عشان تستمتع بمنظر البحر والقعد الحلوه
وخلهم يورونك الجلسات الخارجيه اللي تحت واللي فوق وعن نفسي ارشح اللي تحت اذا ما فيه زحمه..
وصدقني ما راح تندم ابد ابد