اذا حجزت غالبا يتم حجز مبلغ معين وهو قيمة اول ليلة وفي حالة انك ما وصلت وما الغيت حجزك على حسب شروط الحجز يتم خصم قيمة اول ليلة من حساب البطاقة واذا نزلت بالفندق يحجزون مبلغ معين من حساب البطاقة كتأمين وعند التسديد لك الخيار اما بالبطاقة او بالنقد اذا كان نقد راح يفكون المبلغ المحجوز عن البطاقة وتاخذ عملية فك الحجز من اسبوعين لثلاثة بس لازم تنتبة ان اي مبلغ محجوز ما يخصم من الحساب لكن يخصم من الحد الإئتماني للبطاقة حتى فك الحجز عنة ويرجع للحد الإئتماني .

من تجاربي الشخصية مع موقع بوكينق :
احجز طبعا عن طريق الفيزا ويوم اروح الفندق ادفع لهم المبلغ كاش حق الفترة الي انا مقيم بالفندق واعطيهم كاش 150 يورو او اكثر ماتفرق حق التأمين وبعدين وانا خارج اخذ التأمين ثاني مرة كاش يعني بس اهم شي الفيزا مايستخدمونها
اما بالنسبة لحجز مبلغ في الفيزا حق اول ليلة انا اول مرة اسمع فيه عشان الفيزا ياخذونها فقط لضمان الحجز بمعنى اذا ماحضرت اول ليلة تخصم من الفيزا لكن اذا حضرت ودفعت كاش خلاص الفيزا مايجيها شي وهذا طبعا مجرب مع فنادق كثير في باريس واخرها الصيف الماضي

انا صار لي موقف في لندن في احد الفنادق .. طبعا حجزت عن طريق موقع الفندق نفسه
لان سعره طلع معي ارخص من البوكينق المهم حجزت وماانحجز المبلغ فقط
ياخذون رقم البطاقه لضمان الدفع .. المهم الشين انك تحاسبهم على اخر يوم لك يعني وانت
طالع من الاوتيل تحاسبهم يطلبون منك الكردت كارد ويسحبون المبلغ .. ايش صار معي ؟
اللي صار انه قبلها بكم يوم تسوقت من الهارودز على نفس البطاقه ويوم جيت ابدفع قيمة الاوتيل
الا والبطاقه ماتسحب !! المهم انصعقت وقتها طبعا بس قلت جرب اسحب نص المبلغ وفعلا مرر البطاقه
وقبلت العمليه .. طبعا النص الباقي مامعي كاش يغطيه فقلت له اسحب مره ثانيه ربع المبلغ وكمان سحب
والحمد لله انسحب معه والباقي كملته بالكاش اللي معي .. بس موقف زي الزفت من جد ..
فأنا ودي السفره الجايه اني اول ما اسوي التشيك ان ادفع المبلغ مقدما تفاديا لاي ظرف ..