أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الأخوه خبراء السفر إلي النمسا .. استفسار عاجل .. حجزت في شقق نيوبوست شققه D (فمارأيكم فيها ) وطلب مني ارسال المبلغ عن طريق بنك تم ارسال عنوانه لي .. فهل في ارسال المبلغ لهم خطوره !!!؟؟؟؟
عاجل قبل لا يتكنسل الحجز
مريومة قطر
مراحب بنت ديرتي ..
أفضل تاخذين عنوان الشقه وأتروحين سفريات ريجنسي أو سفريات سليمان أو توريست واتقولين لهم أبيكم تحجزون لي هالشقه وأيكون كل شي عن طريقكم ..
منها تبتعدين عن الخوف ونفس الوقت كل شي ايصير بطريقه رسميه واتكونين انتي واثقه ..
هذا رأيي والشور لج ..
مريومة قطر
هلا بنت ديرتي ..
عماد تاورز غالي ..وأسعاره مبالغ فيها ..ومره سوا فيني مقلب ..مره حجزت فندق عن طريقهم وقالي ان المواصلات مجانا من المطار لين الفندق والعكس عن طريق مكتبهم ( عماد تاورز ) ، ولما وصلت فيينا مالقيت حد في المطار
وبالنسبه لعماد تاورز حتى السيارات لاتاخذونها من عندهم ..لأنهم غالين ..فيه هناك سواقين عرب أرخص من عماد تاورز بواجد .. وإذا تبين أحد أرقام السواقين هناك فأنا حاضر ..
أما بخصوص الحجز عن طريق توريست أو ريجنسي او سفريات سليمان للشقه فانا اتفق وياج أنه يمكن أيكون أغلى لكن بشي بسيط ..على الأقل تضمن أن كل شي يمشي بصوره رسميه ونفس الوقت أتعرفين ألي لج وألي عليج ..يمكن حد ياخذ المبلغ هناك الي بطرشونه وأيقول أنا ماأستلمت شي !! مافي دليل عليه أنه أستلم ..
تبين أدور لج في السفريات أنا حاضر ..فيه عندنا سفريات ريجنسي في الدوام فاتحين لهم فرع ..تبين اسالهم وأرد عليج ؟؟
خليني اسال السفريات الي عندنا بكرا وبرد عليج ان شاءالله ..
ووإذا عندج أي استفسار ثاني راح اتلاقيني تحت أمرج ..
أخوي
القطري
يامال الغنا
ممكن تعطينا رقم كم سواق عربي ( حسب اللي تعرف )
في
فيينا سالزبورغ زل ام سي ميونخ
لأني وأكيد كثير من الاخوان يحتاجون لمعلومة زي كذا
والله يجزاك خير مقدماً
قانوني
قانوني محنّك
من عيني اليمين قبل اليسار ياغنا العين وماها ..
سم طال عمرك ..
هذا رقم واحد نتعامل معاه أسمه فادي ..والصيف الي فات أخذناه وطلعنا معاه من فيينا إلى ميونيخ وسالزبورغ..كنا بنروح أيطاليا بعدين غيرنا رأينا في اللحظه الأخيره ..
وإذا قالكم أنه مرتبط مع عائله ثانيه قولوا له أيكلم أبراهيم أو سيد او خلوه يعطيكم أرقامهم ..
الحلو فيهم ان مشاويرهم قيمتها بنص سعر عماد تاورز ..مثال ..طلبت من عماد مشوار لطب مني 260 يورو..كلمت الشباب السواقين الي هناك ودوني ب 140 يورو ..
السموحه طولت عليكم بس ماأحب الأستغلال ..
هذا الرقم وأسمه فادي ..
436766767800+
واي شي ثاني تحت أمركم ..
هلا واللة اختى مريومة
بالنسبة لشقق نيو بوست الصراحة وايد عليها هالمبلغ يعنى الليلة 1400ريال قطري
انا العام اللى فات كنت هناك وخذيت غرفتين بالفندق بس السعر اقل بكثير . واذا كنت تبين شقق في زلامسى فى شقق احلى من شقق نيو بوست.
الغاليه (مريومة قطر) انا لقيت شقق نيو بوست في سفريات المناعي شقه غرفتين تقريبا 1200ريال وشوي يعني تقريبا نفس السعر اللي عطوج اياه الفندق مباشرة ...جربي ..واتمنى لج الفائده
ماهي الفتره اللي حجزتي فيها وبكم الليله؟