بصراحه انا اشوفه اختيار موفق وخاصه انه يبعد كيلوين بس وانتم اساسا معكم سياره والغرف تستوعب الى 6 اشخاص وبهالسعر وايضا يشمل الضرايب . لكن لاحظ ان الحجز له شروط خاصه ولو الغيت ماترجع لك فلوسك

mezajee_ksa
شكرا لك اخي على تجاوبك
بالفعل هذا السعر له شروط خاصه اهمها انه غير قابل للالغاء واتصلت بهم هاتفيا مساء امس وكانوا جدا متفهمين وكانت المشكله البسيطه في ان وقت التشك ان متاخر نوعا ما تقريبا الساعه 4 عصرا ووصولي باذن الله الى ماربيا راح يكون 12 ظهرا واخبروني انه اذا كانت الغرف جاهزه فامكانك التشك ان قبل الساعه 4
على العموم راح اتوكل على الله واحجزها هذا اليوم
تحياتي لكم

حاول تصورها لاهنت وتعرض تجربتك بالمنتدى

قبل ما اكمل الحجز في هذة الشقق لفت انتباهي هذا الموقع وسعره المغري
https://www.booking.com/hotel/es/apartamentos-mediterraneo-marbella.en-gb.html?aid=1300939
اخوي مشرفنا الغالي ابي رايك بشكل سريع لاني محتار بين هالفندقين
واللي اعجبني في هذا الفندق هو اطلالته على البحر مقارنة بسعره فقط 200 يورو ل 4 ليال
في انتظار ردك للاهمية

والله انا احترت بيت الاثنين علشان القى من الافضل لاني لاحظت ان الاولاني وقت الخروج منه 10 الصباح وهو ابعد من الثاني
لكن الثاني مافيه مسابح لانه شقق ووقت الخروج 11 ومن خلال اراء الزوار لاحظت ان بعض الزوار عنده ملاحظات ان الاثاث يحتاج تجديد في الاثنين ولكن من ناحيتي اقولك الاثنين ترى موب فخمين ولكن لو كنت تبي الموقع رح للثاني
وعلى فكره اول فيلا وموقف السياره يوميا 4 يورو
شرايك تعطيني تواريخك واحاول ادور معك وتعلمني عددكم وميزانيتك
ولاتربط نفسك ببوكنق تراه خايس وفيه كثير احسن وارخص منه كمواقع

mezajee_ksa
تسلم ياخوي
والف شكر لك على اهتمامك
تواريخي من 8 نوفمبر الى 12 نوفمبر
العدد بالغين وطفلين (سنتين/5 سنوات)
وميزانيتي لكامل المده اربعه ليال من 200 يورو الى 350 يورو
مع العلم ان وقت الخروج في الفندق الاول لا يشكل اي مشكله لي لأني راح اطلع بدري اخر يوم علشان اروح للمطار يعني ما تفرق معي
وشكرا لك

https://www.booking.com/hotel/es/banus-lodge.en-gb.html?aid=1300939
انصحك فيه

mezajee_ksa
شكرا لك على هذا الاختيار وواضح ان الفندق نظيف جدا
ولكن السبب اللي ما خلاني اختار الفندق الاول هو عدم وجود اطلاله للغرف على البحر
وللاسف برضه هذا الفندق لا توجد اطلاله على البحر
ولقيت هالفندق وابي رايك فيه
https://www.booking.com/hotel/es/puertoazul.en-gb.html?aid=1300939
طالما معي سياره ان شاء الله فالبعد من البوتروبينوس مو مشكله و وافكر اسكن على فنادق مطله على البحر مباشره حتى لو خارج ماربيا
وفي انتظار مساعدتك لان ما بقي على وصولي ماربيا الا خمس ايام
ومره اخرى شكرا لك وتعبتك معي

انا كنت بقولك عن هذا لكن قريت ان العزل بين الغرف ضعيف ولو كان حظك سيء وطحت بجيران مزعجين شويتين بتبتلش وقت النوم
في تعليق يقول ان حتى رنة جوال الجيران ومكالماتهم مسموعه