15 يوم باندنوسيا ..
جاكرتا يومين >>بالي 6 ايام>> الجبل 5 ايام >> وترجع لجاكرتا ... 200$ يومي شامل السكن
.. ...

• الجو في جاكرتا رطب وحار نوعا ما فلا انصحك بالجلوس فتره طويلة بجاكرتا ...
• في الجبل اسكن بمجمع القولف او جياكرتا والاسواق خلها بجاكرتا لان الجبل لايوجد ماتطمح اليه ...
• جاكرتا اطلع لملاهي دنيا فانتزي وعندك عالم البحار اما الجبل لديك خيارات عديدة 1- حديقة الزهور 2- الشلالات 3- سفاري 4- بحيرة الليدو 5- حديقة الشاي .6-البراشوت.. اما بالي فان شاء الله الاخوان يفيدونك فيها .......
• الفطور بالجبل وانا اخوك خذلك كرتون وحط فيه رز ومعلبات وضبط امورك افضل من الشراء من البقاله السعودية اللي هناك لانها غاليه واضعاف الاسعار هنا ..
• الاسعار اعلاه تقريبيه وهي شامله الصرف المعقول من سكن ومعيشه غير شامل التسوق والاشياء الشخصيه الاخرى ..
• لو نقارن اندنوسيا بماليزيا من ناحية الاسعار فاندنوسيا الارخص طبعا ..

جاكرتاوي بليز اسامي هالاماكن باللغه الانقليزي او الاندونيسيه

اندنوسيا ارخص من ماليزيا
ولاتفكر انك تحجز بكج من هنا لانهم غالين مره ومو عارفين البلد زين يعني راح يختارون لك الفنادق اللي بيحصلون من وراها مكاسب دون الاهتمام في الموقع او النظافة والامان
التكاليف مثل ما افادك اخوي جاكرتاوي 200 دولار ما عدا بالي راح تزيد عليك ويمكن الانسب 300 دولار لكم
الطيران اذا تبي دايركت عندك السعودية
واذا بتتحمل التوقف في دبي او ابو ظبي
فاحجز على الاماراتية او الاتحاد فهم افضل من السعودية مليون مره عيبها الوحيد التوقف
بالنسبه لاسعار التذاكر اتوقع تحصل ب3000 ذهاب وعوده للشخص
وفيه موضوع مثبت خاص باسعار التذاكر ويتحدث يومي مر عليه وراح يفيدونك اكثر موفق ان شاء الله

كمااجابك الاخوان ولي تنبيه اذا سفرتك بعد العيد مباشره من 9 الي 19 سبتمبر حاول تحجز السكن قبل سفرك لانها بتوافق اجازه هناك
السكن في بونشاك فيه سكن لا يصلح للعوائل ابدا ابتعد عنه من ضمن هلمواقع القولف وجياكرتا والقولف برايي ما تنفع عوائل ولا عزاب بعد
شف هلموضوع ودقق فيه وستجد ضالتك في السكن في بونشاك
https://artravelers.com/p/re/413849

Mezajee_KSA
يارجال مجانين هناك بالجبل يعرفون العربي اكثر منا
لو تقول له الشلالات او اي مكان ثاني قالك حاضر ويوديك له ..

هذا ما استطيع افادتك به
وهذه الروابط خاصه باخونا خبير بالي (نجم الكويت)
بارك الله فيه
https://artravelers.com/p/re/293712

مشكورين اعضاء المنتدى على الرد وتجاوبكم معايا
يعني ياأخوان تقريبا تكفي 15 ألف ريال سعودي مع التذاكر والاكل والتماشي
وكمان خايف انو ممكن الفلوس ماتكفي
بليز طمنوني

لا اخوي ما تكفيك 15 الف ب15 يوم مع التذاكر باجازه العيد