.. سلمان ..
30-11-2022 - 12:36 am
اليوم بعد صلاة الجمعة واحنا جالسين نتقهوى كالعاده في بيت ابوي .. قدر الله علي وفتحت موضوع الاجازة رغم انها موضوع مو بالساهل انك تتكلم عنه مع الوالد
الشاهد اننا تفاجئنا فيه يوافق على السفر ورشح لنا ثلاث وجهات كانت الصراحه خيالية ولا احد مننا توقعناها انا واخواني ..
( لندن - باريس - تركيا )
المشكلة وبحكم اني اكبر اخواني فهو رشحني لجلب افضل الاسعار عن طريق مكاتب السفر والسياحة بالرياض ولأني (تنكه) قلت مافيه غير حبايبي منتدى العرب المسافرون فديتهم.
المطلوب منكم تساعدوني في برنامج سياحي بأقل الاسعار من كافة النواحي (طيران ، سكن ، مصاريف) لأني والله ماافهم وادربي الراس بشكل فضيع ويفوق الخيال..
عدد المسافرين ( 7 بالغين + 2 اطفال )
تاريخ السفر ( من 24 يوليو الى 4 اغسطس ) هذي الفترة المقترحة وحسب الإمكانية المتاحة
بالنسبة للميزانية فهي ما تشكل عائق بإذن الله لكن توصوا فيني عشان ابيض الوجه قدام الشايب
وطبعا احنا مالنا في التسوق والخرابيط هذي .. اي استفسارات انا حاضر ( تكفون مافيه وقت ابي الفزعه )
في البداية لندن حلوة وباريس حلوة اما بالنسبة لتركيا انا ما ارشحها لاسباب عده
بالنسبة للطيران اتمنا ان تجد حجز
وبامكانك عمل مقارنة بالنسبة للطيران عن طريق مواقع شركات الطيران - الاتحاد - السعودي - القطري - وبعض الطيران التجاري مثل ناس وغيرها من الطائرات شوف افضل سعر يناسبك ( عن طريق النت)
والسكن
ايضا عن طريق النت بتحصل شركات كثيرة ومتميزة وبامكانك الاستعانة بالله وبالموضوع المثبت للاخ سعيد
ملاحظة
المكاتب تحجز عن طريق النت وتاخذ منك عمولة
رحلة موفقة