بالنسبة لتامين سكست هذا يرجع لك انا اخذت اقل تأمين وان شاء الله ما يكون الا خير
بالنسبة للبوكينج اطبع الحجز بالانجليزية احسن وقدمه للفندق وبيخيرونك بالدفع كاش او بالفيزا وانت اختر اللي يناسبك ، تختلف الفنادق حول العالم
فنادق تاخذ حسابها فور وصولك وفنادق تاخذ حسابها مع خروجك من الفندق وفنادق تاخذه قبل وصوصلك طبعا اذا كان غير مسترد فقط .

يعطيك العافيه اخوي وانا قصدي وش الفرق بينهن ( التأمين ) وتنصحني اختار ايش
اما الفندق فوضحت لي الصوره
يعطيك العافيه اخوي

حتى لو ماتطبع شي للفندق
انا اجي على طول الفندق وأخبرهم اني حاجز اليوم عندهم وأعطيهم اسمي والكريدت كارد
وخلاص مايحتاج اوراق ولا شي

اخوي ابو عقاب كما قال اخوي حدي ابهاا
بين الفنادق من الدول تختلف
منهم اللي مايخصم على الفيزا بس يسوي حجز على الغرفه واذا جيت تدفع المبلغ كامل
ومنهم من يحجز لك بس الليله الاولى وانت تكمل باقي الحجز >>> يعني اذا جيت لهم تدفع حجز الليالي الباقيهاما بالنسبه للتاكيد الحجز :
اول ماتوصل الفندق بس عطهم رقم الحجز والرقم السري مال الحجز وجوازك
اما بالنسبه للسياره للأمانه ماعرف عن التاجير شي
الاخوان ماراح يقصرون معااك
وشكر آآآ ..

يعطيكم العافيه اخواني يعني اهم شي يكون معي رقم الحجز والرقم السري لمعرفة الحجز وغرفتي
بيض الله وجيهكم .
السياره ياليت احد يفيدني عنها او وش نوع السياره الي اختار لان بصراحه شفت السيارات ذات القيمه المناسبه وكلهن صغار ما أظن يتعدن فينا وانا ابي اروح لزيلامسي بها

ابوعقآب
كلام اخواني صحيح بس مادام لغتك ضعيفة مثل ما تقول افضل تكون معاك ورقة الحجز انا في فنادق اوروبا بالورقة وفي فنادق شرق اسيا سويت
طريقة الاخوان وكان الريسبشن يطلب صورة من الايميل ودخلت في غثى اني اشغل اللاب واوريهم ورقة الحجز ويسحبونها على فلاش لكن بالورقة
عادة ما تحتاج انك تقول اي كلمة .
بالنسبة للسيارة انا اذكر انها ثلاث خيارات انت تختار اللي يناسبك وشرحها هو
النوع الاول اقل قيمة واقل تأمين بحيث لو لاقدر الله حصل شيء للسيارة تدفع 750 يورو مثلا
النوع الثاني اغلى شوي لكن يغطي اكثر بحيث لو حصل شيء للسيارة تدفع 400 يورو مثلاً
النوع الثالث اغلاهم ولو يحصل اي شيء لا قدر الله ما تتحمل اي مبلغ نهائيا .
النوع الرابع تأمين حياة الاشخاص وهذا تغطيه التعاونية اذا انت مؤمن عن طريقها .
إذا بتسأل وش الزين الأخير طبعاً لكن بتسأل وش أختار أنت حدد إختيارك أنا وقتها ترددت وأخذت أقل نوع باعتبار
انه الارخص وال 750 يورو وحولها ما تتجاوز 4000 يعني لولا قدر الله ليست صعبة . الزبدة الخيار لك .